U Mścisłaŭskim rajonie 84-hadovy dziadula abiasškodziŭ złačyncu.
Pra heta havorycca na aficyjnym sajcie Śledčaha kamiteta Biełarusi.
«Mścisłaŭskim rajonnym adździełam Śledčaha kamiteta zaviedziena kryminalnaja sprava ŭ dačynieńni da raniej nieadnarazova sudzimaha 51-hadovaha žychara Čavuskaha rajona, jaki ździejśniŭ razbojny napad. Złačynca ŭ stanie ałkaholnaha apjanieńnia raźbiŭ akno i pranik u dom 84-hadovaha piensijaniera, dzie sprabavaŭ skraści čyhunnuju patelniu», — raspaviali ŭ viedamstvie.
Złačynca dastaŭ nož i staŭ pahražać staromu čałavieku.
«Haspadar doma nie razhubiŭsia i akazaŭ supraciŭ — jon abiasškodziŭ złačyncu, naniosšy jamu udar abuchom siakiery pa hałavie. Na miesca zdareńnia nieadkładna vyjechała śledča-apieratyŭnaja hrupa», — dadali ŭ SK.
