president.gov.by
Dziaržava budzie i nadalej kantralavać pracu akcyjanavanych pradpryjemstvaŭ, navat kali jany znachodziacca ŭ pryvatnaj ułasnaści.
Takaja sutnaść zajaŭ, što prahučali na sustrečy Alaksandra Łukašenki z kiraŭnictvam ŭkrainskaj kampanii «Mator Sič» 16 kastryčnika ŭ Minsku.
Akcyjaniernaje tavarystva «Mator Sič» vypuskaje avijacyjnyja ruchaviki i hazaturbinnyja ŭstanoŭki. Pradukcyja kampanii ekspłuatujecca na samalotach i viertalotach roznaha pryznačeńnia bolš čym u 100 krainach.
Pa słovach Łukašenki, jon zaprasiŭ kiraŭnictva ŭkrainskaj kampanii, kab ź pieršych vusnaŭ pačuć pra zadumy i pierśpiektyvy pracy AT «Mator Sič» u Biełarusi, a taksama vyrašyć los Aršanskaha avijaramontnaha zavoda, u radu dyrektaraŭ jakoha ŭvachodzić kiraŭnictva «Mator Sič». Łukašenka zajaviŭ, što jaho turbuje praca hetaha pradpryjemstva.
«Kali b vy pryjšli na hetaje pradpryjemstva pierakantavacca, jak u nas kazali, abo pieražyć niejkija časy, abo zrabić jašče niešta druharadnaje, i nie było pierśpiektyvy (usio roŭna, heta akcyjaniernaje tavarystva ci nie, nabyli jaho ci nie nabyli), u nas jość žorstki dośvied pavodzinaŭ z takimi akcyjanierami i takimi «pryšelcami». my ź imi razryvali adnosiny, navat z amierykanskimi kampanijami. Šumu, hvałtu było šmat, ale ŭsio razumieli, što my majem racyju», — cytuje Łukašenku pres-słužba prezidenta.
«Vy, viadoma, možacie padumać, što ja nie rynkava razvažaju, bo pradpryjemstva pryvatnaje, — dadaŭ jon. — Viedajecie, kali b vy jaho stvarali z nula, mahčyma, ja b nie ŭmiešvaŭsia ŭ pytańni dziejnaści pradpryjemstva, za vyklučeńniem pravoŭ rabotnikaŭ, u tym liku kiraŭnikoŭ. Voś ich pravy: jany pavinny pracavać, atrymlivać hodny zarobak, ich nichto nie pavinien kryŭdzić. I kab pradpryjemstva pracavała pa zakonie. Usio. Dalej ja nikudy nie ŭmiešvajusia, kali heta pryvatnaje pradpryjemstva, stvoranaje svaimi rukami». Ale aršanski zavod «byŭ stvorany narodam», a paśla akcyjanavany, padkreśliŭ Łukašenka.
«Ja vielmi bajusia pryšłych aliharchaŭ, vielmi bajusia, kab hetyja aliharchi ŭ nas, nie daj Boh, nie źjavilisia, dy i nie pačali kiravać krainaj, jak heta pryniata, nie budziem pakazvać palcam, u inšych dziaržavach. Tamu ja vielmi aściarožna da hetaha pytańnia staŭlusia», — zajaviŭ kiraŭnik dziaržavy.
Pry hetym jon paabiacaŭ AT «Mator Sič» usialakuju padtrymku ŭ vypadku damoŭlenaści, paviedamlaje pres-słužba. «Tolki vy mnie zaŭsiody pavinny havaryć praŭdu, što vy možacie, što nie možacie, — skazaŭ Łukašenka. — Vy pavinny viedać maju ideałohiju i moj padychod da hetych pytańniaŭ. Kali ŭ vas buduć niejkija pytańni, vy mnie ich zadajcie, ale kali my z vami vyznačymsia i damovimsia budavać adnosiny zychodziačy mienavita z hetych ideałahičnych pastułataŭ, to my zaŭsiody budziem pracavać paśpiachova i vy nikoli nie budziecie mieć prablem u Biełarusi. Heta ja vam harantuju».
Jon dadaŭ, što ŭ dačynieńni da Aršanskaha avijaramontnaha zavoda «u jaho jość i asabisty momant».
«Kali sajuz (SSSR) razvaliŭsia, mnie prapanoŭvali tam usio začynić, razabrać i razvalić. Ale, moža być, i asabistaje niešta adyhrała, ja skazaŭ: nie. Ja jaho zachavaŭ i chaču, kab heta pradpryjemstva i hety aeradrom raźvivalisia», — padkreśliŭ Łukašenka.
