Kampanija Facebook pradstaviła novuju funkcyju pad nazvaj Safety Check, jakaja pryznačana dla apaviaščeńnia siabroŭ i svajakoŭ u vypadku stychijnaha biedstva.
Ideja stvareńnia takoha instrumienta paŭstała paśla taho, jak u 2011 hodzie Japonija paciarpieła ad ziemlatrusu i cunami. Tady mnohija ludzi nie mahli źviazacca sa svajakami, kab supakoić ich. Mienavita hetuju zadaču i vykonvaje funkcyja Safety Check.
Kali sistema vyjaŭlaje, što karystalnik znachodzicca pablizu ad stychijnaha biedstva, jana vydasie zapyt: «Vy ŭ biaśpiecy?». Karystalnik zmoža adkazać, što ź im usio dobra, nacisnuŭšy knopku «Ja ŭ biaśpiecy». Tym samym jon paviedamić svaim siabram i svajakam, što im možna nie pieražyvać pra jaho stan. Anałahična, karystalnik moža daviedacca, ci znachodziacca ŭ biaśpiecy jaho siabry. Taksama možna prahladzieć śpis siabroŭ, kab daviedacca, chto ź ich znachodzicca ŭ zonie biedstva.
