Usie bolš-mieńš sučasnyja armii śvietu dumajuć nad tym, jak zrabić mieńšaj vahu ryštunku i ŭzbrajeńnia svaich bajcoŭ. Adnačasova žaŭniery atrymlivajuć usio bolš elektronnych pryład, kab aryjentavacca na poli boju – sistemy suviazi, pryłady načnoha bačańnia, pryceły, taktyčnyja kampjutary.
Amierykanskija piechacincy na vučeńniach.
U vyniku sałdaty robiacca padobnymi na kaladnyja jalinki – abviešanyja pravadami, antenami i elektryčnymi pryborami. Pry hetym treba nieści i elektryčnyja batarei.
Adna z bujniešych vajskova-pramysłovych karparacyj BAE Systems prademanstravała na hetym tydni sistemu Broadsword, jakaja dazvalaje vykarystoŭvać nitki tkaniny razhruzak i broniekamizelek dla pieradačy elektryčnaści i dadzienych na luboje papiarednie vyznačanaje miesca na ciele žaŭniera.
Demanstracyjnyje videa BAE Systems.
Na śpinie sałdata raźmiaščajecca hnutkaja batareja dla ŭsich pryład adrazu. Pry hetym siadzieńni ŭ braniatechnicy možna pierarabić tak, što hetaja batareja zmoža zaradžacca prosta ŭ toj čas, kali žaŭnier siadzić na siadzieńni.
Vytvorca harantuje, što elektrapravodnaja tkanina nie budzie bić nośbita tokam u vypadku paškodžańnia ci namakańnia.
