Alaksandr Łukašenka 16 kastryčnika padpisaŭ ukaz pra abviaščeńnie 2015 hoda Hodam moładzi.
«Dakumient pryniaty ŭ metach raźvićcia tvorčaha, navukovaha i prafiesijnaha patencyjału moładzi, jaje aktyŭnaha pryciahnieńnia da praviadzieńnia sacyjalna-ekanamičnych pieraŭtvareńniaŭ u Biełarusi, vychavańnia pačućcia patryjatyzmu i hramadzianskaj adkaznaści ŭ maładych hramadzian», — paviedamlaje pres-słužba prezidenta.
Uradu daručana sumiesna z abłvykankamami i Minharvykankamam raspracavać i zaćvierdzić respublikanski płan mierapryjemstvaŭ pa praviadzieńni Hoda moładzi.
Na pačatak 2014 hoda kolkaść moładzi va ŭzroście ad 14 da 31 hoda ŭ Biełarusi składała 2,185 młn. čałaviek, abo 23,08% ahulnaj kolkaści nasielnictva krainy.
«Vyrašeńnie prablem, što chvalujuć moładź, źjaŭlajecca składovaj častkaj dziaržaŭnaj palityki ŭ halinie sacyjalna-ekanamičnaha, kulturnaha i nacyjanalnaha raźvićcia krainy. Abviaščeńnie 2015 hoda Hodam moładzi pryciahnie dadatkovuju ŭvahu orhanaŭ dziaržaŭnaha kiravańnia, šyrokaj hramadskaści da pytańniaŭ realizacyi asnoŭnych kirunkaŭ dziaržaŭnaj maładziožnaj palityki ŭ Biełarusi», — tłumačyć pres-słužba.
