Supracoŭnikami ŭpraŭleńnia biaśpieki ŭ śfiery infarmacyjnych technałohij KDB i ŭpraŭleńnia pa rasśledavańni złačynstvaŭ suprać infarmacyjnaj biaśpieki i intelektualnaj ułasnaści Śledčaha kamiteta Biełarusi vyjaŭlenaja i spynienaja złačynnaja dziejnaść adkaznaha supracoŭnika RUP «Biełtelekam», źviazanaja z davańniem dla ZTAA «Alternatyŭnaja ličbavaja sietka» (brendy «Atłant Telekam», «Šparki damavik») chutkasnaha dostupu ŭ internet zvyš normy, zamacavanaj dahavornymi adnosinami.
Jak paviedamiŭ načalnik pres-słužby KDB Artur Strech, zatrymanyja rabotnik «Biełtelekama» i adzin z kiraŭnikoŭ zamiežnaha TAA, jakija ažyćciaŭlali pavodle papiaredniaj zmovy kradziež internet-trafiku.
Takoje złačynstva, jak zaznačyŭ pradstaŭnik KDB, u Biełarusi raskrytaje ŭpieršyniu.
Raspačataja sprava na padstavie č. 2 art. 216 (naniasieńnie majomasnaha ŭronu biez prykmietaŭ kradziažu) i č. 2 art. 349 (niesankcyjanavany dostup da kampjutarnaj infarmacyi) Kryminalnaha kodieksa. Pravaachoŭnymi orhanami pravodzicca kompleks apieratyŭna-vyšukovych mierapryjemstvaŭ i śledčych dziejańniaŭ, skiravanych na vyjaŭleńnie i dakumientavańnie inšych epizodaŭ supraćpraŭnaj dziejnaści zatrymanych i ŭstanaŭleńnie inšych asob, jakija mieli dačynieńnie da złačynstva.
Suma naniesienaha dziaržavie ŭronu ŭstanaŭlivajecca. U tym, što heta budzie asabliva bujny pamier, u pravaachoŭnych orhanach nie sumniavajucca.
Zatrymanyja źmieščanyja ŭ SIZA KDB. Papiaredniaje rasśledavańnie kryminalnaj spravy ažyćciaŭlajecca Śledčym kamitetam.
