Papa Francišak dazvoliŭ pravieści pieršy ŭ historyi karparatyŭ dla klijentaŭ aŭtamabilnaj kampanii Porsche ŭ budynku Sikścinskaj kapeły. Pra heta paviedamlaje vydańnie Telegraph.
Porsche arhanizavała turystyčnuju pajezdku dla svaich klijentaŭ. Košt adnaho kvitka — 5000 jeŭra. Usiaho ŭ pajezdcy znachodzicca sorak čałaviek.
Paśla zaklučeńnia ŭhody z Vatykanam, jaho pradstaŭniki abviaścili pra abmiežavańnie naviedvańnia Sikścinskaj kapeły turystami 18 kastryčnika.
Udzielniki tura, jak piša vydańnie, patrapiać na «cudoŭny kancert u Sikścinskaj kapele ŭ zale z mazaičnymi stolami, stvoranymi Mikiełandžeła».
Paśla kancerta ŭdzielnikam budzie prapanavana naviedać «uračystuju viačeru». Svaju trapiezu jany praviaduć «akružanyja šedeŭrami viadomych na ŭvieś śviet mastakoŭ, takich jak Mikiełandžeła i Rafael».
Pradstaŭnik Porsche Travel Club adznačaje, što šaniec trapić na takoje mierapryjemstva vypadaje tolki «raz u žyćci».
Administracyjny kiraŭnik muziejaŭ Vatykana Paoła Nikalina raspavioŭ, što mahčymaść praviadzieńnia karparatyvu — heta inicyjatyva, jakaja padtrymaje dabračynnyja prajekty Papy.
Budaŭnictva Sikścinskaj kapeły zaviaršyłasia ŭ Vatykanie ŭ 1481 hodzie. Ścieny carkvy ŭpryhožanyja pracami mnohich vialikich mastakoŭ.