Staršynia Jeŭrarady Chierman van Rampiej paviedamiŭ, što ŭdzielniki sustrečy ŭ Miłanie, u tym liku Uładzimir Pucin i Piatro Parašenka, vykazalisia za nieabchodnaść vykanańnia Minskich damoŭlenaściej.
«Kanflikt va Ukrainie pakul nie znajšoŭ palityčnaha rašeńnia», — skazaŭ jon na pres-kanfierencyi pa vynikach forumu «Azija-Jeŭropa» (ASIEM) u Miłanie.
Rampiej taksama śćviardžaje, što Pucin daŭ zrazumieć, što jon suprać zamarožvańnia kanfliktu na ŭschodzie Ukrainy i ličyć Danbas ukrainskaj terytoryjaj.
«I choć jość roznyja punkty hledžańnia pa hetaj prablemie, i sustrečy pa hetym pytańni buduć praciahvacca, važna padkreślić, što spadar Pucin daŭ vyrazna zrazumieć, što jon nie zacikaŭleny ŭ zamarožanym kanflikcie va Ukrainie, i što Danbas źjaŭlajecca nieadjemnaj častkaj Ukrainy», — skazaŭ jon.
U svaju čarhu staršynia Jeŭrakamisii Žaze Manueł Barozu adznačyŭ, što ŭ chodzie sustrečy ŭdzielniki taksama damovilisia, što ŭžo ŭ piatnicu na ŭzroŭni ekśpiertaŭ pačnucca sustrečy pamiž Ukrainaj, Rasijaj i JEK. Takija sustrečy praciahnucca na nastupnym tydni, u tym liku i pa pytańniach enierhietyki.
«Adnosiny pamiž Ukrainaj i Rasijaj vielmi adbivajucca na Jeŭropie», — dadaŭ jon.
Akramia taho, pa słovach Barozu, ES hatovy razhladać pytańnie pavieličeńnia finansavaj dapamohi Ukrainie, pra što napiaredadni ŭ Miłanie viałasia havorka z Parašenkam.
