Dla taho, kab źmienšyć rolu prapahandy i ahitacyi pierad daterminovymi vybarami ŭ Viarchoŭnuju Radu Ukrainy, jakija adbuducca ŭ nastupnuju niadzielu — 26 kastryčnika 2014 hoda, Ukrainski instytut mižnarodnaj palityki pry padtrymcy Pact i USAID raspracavaŭ śpiecyjalnuju internet-staronku — «Vybaramat».
«Vybaramat» daje karystalniku mahčymaść prajści śpiecyjalny test, rezultat jakoha pakazvaje, nakolki jaho pohlady na dalejšaje raźvićcio krainy supadajuć z prahramami raznastajnych partyj, jakija pradstaŭlenyja na vybarach. U teście zadajucca pytańni pra šlachi raźvićcia i mietady vyrašeńnia samych aktualnych prablem Ukrainy. Adkazy karystalnika supastaŭlajucca z prahramami partyj, jakija byli daskanała vyvučanyja i praanalizavanyja kamandaj ekśpiertaŭ i hramadskich aktyvistaŭ. Takim čynam, ciapier kožny vybarščyk moža pasrodkam prostaha testu vyśvietlić, jakuju partyju jamu treba padrymać 26 kastryčnika.
«Vybaramat» stvorany dla hramadzian, jakija ŭžo nie chočuć hałasavać za abrydłyja tvary i łahatypy, ale jašče nie majuć času abo natchnieńnia, kab pieračytvać nudnyja prahramy palityčnych partyj», – raskazvajecca na staroncy «Vybaramatu».
«Vybaramat» — heta «ratavalnaje koła» dla vybarščyka, stomlenaha biezupynnaj ahitacyjaj, kažuć stvaralniki sajta.
