Minski dvoryk pačnuć dobraŭparadkoŭvać u Maskvie ŭ sakaviku 2015 hoda. Takoje rašeńnie pryniata siońnia na siesii Minskaha haradskoha Savieta deputataŭ.
Jak raskazała namieśnik hienieralnaha dyrektara dziaržaŭnaha abjadnańnia «Minskaja haradskaja žyllovaja haspadarka» Halina Hilevič, minski dvoryk upryhožyć maskoŭskuju vulicu Barysaŭskija sažałki. «Jon budzie vykanany ŭ nacyjanalnym styli i simvalizavać Biełaruś i horad Minsk. Za asnovu ŭziata biełaruskaja tematyka z prysutnaściu elemientaŭ vasilkovaj rasfarboŭki, nacyjanalnaj vyšyŭki i detalej arnamientu Słuckich pajasoŭ», — adznačyła Halina Hilevič.
Na dvarovaj terytoryi płanujecca abstalavać piešachodnyja darožki, dziciačuju hulniavuju placoŭku, ustanavić spartyŭnuju placoŭku, arhanizavać miescy dla adpačynku darosłych, pasadzić hazony. Adkryćcio minskaha dvoryka ŭ Maskvie prymiarkujuć da 70-hodździa Pieramohi ŭ Vialikaj Ajčynnaj vajnie.
Siońnia ŭ Minsku zaviaršylisia raboty pa dobraŭparadkavańni maskoŭskaha dvoryka. Jon raźmiaściŭsia ŭ akružeńni damoŭ numar 46, 46a, 46b, 48, 48a na prasp. Niezaležnaści. Tut rasijskija śpiecyjalisty abstalavali dziciačyja spartyŭnuju i hulniavuju placoŭki. Źmianilisia i transfarmatarnyja padstancyi — ich ścieny ŭpryhožvajuć varyjacyi chachłamskoj razmaloŭki. Dapaŭniajuć karcinu svojeasablivyja altanki, viełaparkoŭki, alpijskija horki, kvietniki, rułonnyja hazony, piešachodnyja darožki, vymaščanyja kalarovaj drobnapamiernaj plitkaj.
