Śpiecsłužby Polščy mohuć vysłać z krainy nie tolki rasijskich dypłamataŭ, ale i rasijskich hramadzian, jakija pražyvajuć u Polščy, u tym liku rasijskich žurnalistaŭ u suviazi z čarhovym špijonskim skandałam,
piša ŭ piatnicu viadučaja polskaja ahulnanacyjanalnaja hazieta «Rzeczpospolita».
U minułuju sieradu viadučy polski telekanał TVN24 paviedamiŭ pra zatrymańnie aficera Vojska Polskaha pa abvinavačvańni ŭ špijanažy na karyść RF. Pavodle infarmacyi Radio ZET, adnačasova z zatrymańniem aficera Vojska Polskaha zatrymany jašče adzin čałaviek — advakat, jaki maje padvojnaje hramadzianstva Rasii i Polščy.
Telekanał TVN24 paviedamiŭ taksama, što havorka idzie pra vysokapastaŭlenaha, a nie pra radavoha aficera, jaki vałodaje vialikaj infarmacyjaj.
Vice-premjer Polščy Januš Piechacinski ŭ piatnicu ŭ efiry telekanała TVN24 skazaŭ, što «kali hetaja infarmacyja budzie paćvierdžana — havorka idzie ab špijanažy, to naturalnym chodam dalej budzie vysyłka z Polščy rasijskich dypłamataŭ. Mabyć, u adkaz niekalki našych dypłamataŭ viernucca dadomu».
Hazieta «Rzeczpospolita» ŭ svaju čarhu śćviardžaje, što vysłać z krainy mohuć nie tolki rasijskich dypłamataŭ, ale i hramadzian RF, jakija pražyvajuć i pracujuć u Polščy, a taksama rasijskich žurnalistaŭ.
«Pa našaj infarmacyi, u bližejšyja tydni polskija śpiecsłužby buduć namahacca pazbavić vidu na žycharstva i vysłać niekalkich rasiejcaŭ, jakija pražyvajuć u Polščy», — piša hazieta.
Jak śćviardžaje «Rzeczpospolita», hramadzianie RF «padazrajucca ŭ supracoŭnictvie z rasijskaj vyviedkaj». «Havorka idzie, u tym liku, pra adnaha z rasiejskich žurnalistaŭ», — adznačaje vydańnie.