Prezident RF Uładzimir Pucin nie staŭ adkidać viersiju pra toje, što padzieńnie koštaŭ na naftu — heta vynik pahadnieńnia pamiž ZŠA i Saudaŭskaj Aravijaj.
Pra heta jon skazaŭ na pres-kanfierencyi ŭ Miłanie.
«Što tyčycca teoryi zmovy — zmovy zaŭsiody mahčymyja. Ale jany baluča bjuć u dadzienym vypadku pa zmoŭščykach, kali takija majucca», — skazaŭ Pucin, adkazvajučy na pytańnie, jak jon stavicca da mierkavańnia ab tym, što padzieńnie koštaŭ na naftu — heta vynik zmovy pamiž ZŠA i Saudaŭskaj Aravijaj.
Pucin nahadaŭ, što «ŭ asnoŭnych naftazdabyvajučych krainach sam biudžet viarstajecca, zychodziačy z cen na naftu — $85-90 za barel».
Akramia taho, jon adznačyŭ, što rentabielnaść zdabyčy słancavaj nafty vielmi vialikaja.
«I hulnia na panižeńnie koštaŭ na suśvietnych rynkach naniasie vielmi surjozny ŭdar pa hetym vidzie dziejnaści ŭ tych ža Złučanych Štatach, nie dumaju, što naftavaja halina Štataŭ u hetym zacikaŭlena», — zaŭvažyŭ prezident RF.
«Pahladzim, jak buduć raźvivacca padziei, dumaju, što karekciroŭka nastupić u bok palapšeńnia situacyi», — skazaŭ jon.
