Nafta pačała imkliva daražeć na tarhach u piatnicu paśla rezkaha padzieńnia.
Pra heta paviedamlaje ahienctva Bloomberg.
Cana fjučarsa na naftu Brent na śniežań na łondanskaj biržy ICE Futures da 17:33 vyrasła na $0,52 (0,61%) adnosna ŭzroŭniu 16 kastryčnika — da $86,34 za barel.
Z pačatku hetaha tydnia Brent patańnieła na 4,5%, z pačatku 2014 — na 19%.
Jak ličyć prezident Rasii Uładzimir Pucin, nivodzin z hulcoŭ nie zacikaŭleny ŭ tannaj nafty.
Pra heta jon zajaviŭ na pres-kanfierencyi ŭ piatnicu.
«Nivodzin z hulcoŭ nie zacikaŭleny ŭ tym, kab košt nafty doŭhi čas trymałasia na ŭzroŭni $80 abo kala taho. U ZŠA sabiekošt nafty, jakuju zdabyvaje Shell, dasiahaje amal $80», — skazaŭ jon.
Razam z tym jon nie vyklučyŭ, što biudžet RF pryjdziecca karektavać z-za padzieńnia cany na naftu da ciapierašniaha ŭzroŭniu. Pavodle jaho słoŭ, kampiensavać niedachop možna, u pryvatnaści, za košt zołatavalutnych reziervaŭ.
Nahadajem, što ceny na naftu hatunku Brent, da jakich pryviazany košt rasiejskaj ekspartnaj nafty Urals, 16 kastryčnika na tarhach ŭ Łondanie apuścilisia nižej za $83 za barel.
