Praz paŭhoda ŭ Biełarusi pačnuć dziejničać limity na raźliki najaŭnymi. Pakupki i pasłuhi, jakija apynucca daražejšymi za 1000 bazavych vieličyń (siońnia heta 150 miljonaŭ rubloŭ), možna budzie apłacić tolki z dapamohaj bankaŭskaj kartki.

Adpaviedny ŭkaz 16 kastryčnika padpisaŭ Alaksandr Łukašenka. Siońnia dakumient aficyjna apublikavany na Nacyjanalnym pravavym internet-partale.

Z ustanoŭlenaha praviła jość tolki adno vyklučeńnie. Abmiežavańnie nie raspaŭsiudžvajecca na płaciažy fizičnych asob za tavary, raboty ci pasłuhi, jakija pravodziacca za najaŭny raźlik niepasredna ŭ kasach bankaŭ dla zaličeńnia na rachunki jurydyčnych asob i pradprymalnikaŭ.

Siońnia, kab stymulavać klijentaŭ raźličvacca «płastykam», banki prapanujuć roznyja prahramy łajalnaści. Adna ź ich — kešbek, kali častka koštu pakupki, apłočanaj pa karcie, viartajecca nazad na rachunak. Jak prapisana va ŭkazie, da 1 studzienia 2017 hoda taki dachod nie budzie abkładacca padatkam. Praŭda, kali bonus nie pieravyšaje dvuch adsotkaŭ.

Dakumientam taksama praduhledžana, što sumy hrašovych srodkaŭ, vykradzienyja ŭ fizičnych asob z rachunkaŭ (da jakich vypuščanyja ŭ abaračeńnie apłatnyja kartki) i ŭ nastupnym viernutyja im bankami, nie pryznajucca abjektam padatkaabkładańnia.

Siońnia dola bieznajaŭnych płaciažoŭ u Biełarusi składaje 25%. Meta ŭkaza — pavialičyć dadzieny pakazčyk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?