Biełarusy Andrej Dźmitranok i Siarhiej Durovič raspracavali prahramu dla papularyzacyi biełaruskaj litaratury.
Raspracoŭščyki prapanoŭvajuć dla pačatku pasprabavać bieta-viersiju «Kazak pra darosłych» ad Adama Hłobusa na płatformie Android. Pryłada źmiaščajecca ŭ katałohu ad kampanii Google i daje mahčymaść dostupu dla vialikaj aŭdytoryi. Kožny karystalnik moža spampavać knihu i karystacca joju biaspłatna. Dalejšaje ž niesankcyjanavanaje vykarystoŭvańnie aŭtarskaha materyjału tut niemahčymaje, takim čynam aŭtar aboronieny ad piractva.
Pryłada pampujecca z Google Play praz telefon ci praz sajt. Skrynšoty samoj pryłady jość na sajcie.
Spampavać jaje vielmi prosta. U mieniu telefona jość ikonka «Play market», paśla ŭvachodu ŭ katałoh, vykarystoŭvajučy pošuk, treba ŭvieści zapros «Kazki pra darosłych» ci znajści knihu ŭ raździele «Knihi i daviedniki». Zastajecca tolki spampavać i karystacca.
U minułym hodzie Andrej i Siarhiej rabili pieršy padobny prajekt «Kazki biełaruskija», jaki atrymaŭ na fiestyvali AD.NAK! 3-je miesca u naminacyi «Biełaruskaaryjentavany rekłamny i kamunikacyjny prajekt». Na hety momant kazkami karystajucca niekalki tiasiač čytačoŭ.
U bližejšych płanach raspracoŭščykaŭ — «Šlachcic Zavalnia» Jana Barščeŭskaha i šerah tvoraŭ ad sučasnych piśmieńnikaŭ. Jak vynik — biełaruskaja bibliteka na sistemie Android.
