Pradstaŭniki častak śpiecyjalnaha pryznačeńnia troch krain pryniali ŭdzieł u spabornictvach pa bajavoj stralbie na bazie «Vałoŭščyna», paviedamiŭ sajt Kamiteta dziaržaŭnaj biaśpieki Biełarusi.

Zmahalisia za pieramohu 7 kamand, jakija reprezientavali Ministerstva ŭnutranych spraŭ Biełarusi, KDB RB, Dziaržaŭny pamiežny kamitet, upraŭleńnie «A» Centra śpiecyjalnaha pryznačeńnia FSB RF, a taksama śpiecpadraździaleńnie Kamiteta nacyjanalnaj biaśpieki Kazachstana «Arystan».

Za piać dzion śpiecnazaŭcy vykanali dziasiatki strałkovych praktykavańniaŭ, jakija madelavali roznyja bajavyja situacyi: zasada, vyzvaleńnie zakładnikaŭ, źniščeńnie bazy bajevikoŭ, šturm budynka i inšyja.

Dvuboj «Alfy» KDB Biełarusi i «Alfy» FSB RF.

Jakaja kamanda pieramahła, nie paviedamlajecca, adnak KDB adznačyŭ, što siarod pieramožcaŭ byli kamandy FSB RF, unutranych vojskaŭ RB i Dziaržaŭnaha pamiežnaha kamiteta. Kamandy hrupy «A» KDB Biełarusi jak arhanizatara spabornictvaŭ udzielničali ŭ konkursie pa-za ahulnym zalikam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?