Pra heta paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Siońnia prykładna ŭ 15.50 u rajonie budynkaŭ biletnych kas i zały čakańnia čyhunačnaha vakzała «Mahiloŭ 1» była znojdzienaja padazronaja biezhaspadarnaja kardonnaja skrynka pamieram 30 na 40 sm.
Supracoŭniki AUS adrazu pryniali miery pa achovie miesca zdareńnia i evakuacyi ludziej. Usiaho byli evakuiravany kala 100 čałaviek. Na miescy pracavali śpiecyjalnyja słužby i sapiorna-piratechničnaja hrupa.
Jak vyśvietliłasia, źmieściva skrynki nie ŭjaŭlaje niebiaśpieki. U joj znajšli 5-litrovuju palimiernuju butelku ź pitnoj vadoj, butelku z-pad vina (0,7 ł) z vadkaściu i polietylenavy pakiet z praduktami.
Na ruchu ciahnikoŭ situacyja nie adbiłasia. Vakzał pracuje ŭ zvyčajnym režymie. AUS pravodzić pravierku.
