Situacyja ź niedaboram uradžaju hrečki i prahnazavanym prykmietnym rostam cenaŭ na jaje ŭ Rasii nie adabjecca na Biełarusi.
U hetym zapeŭniŭ siońnia žurnalistaŭ namieśnik ministra sielskaj haspadarki i charčavańnia Vasil Siedzin.
Apošnim časam u ŚMI stała źjaŭlacca infarmacyja z prahnozami istotnaha rostu cenaŭ na hrečku ŭ Rasii ŭ bližejšy čas.
Pa roznych acenkach, cana krupy moža pavialičycca ad 18-20% u vierchnim koštavym siehmiencie i 1,5-2 raz u nižnim da 4-5 razoŭ.
Vasil Siedzin padkreśliŭ, što Biełaruś nie zaležyć ad Rasijskaj Fiederacyi ŭ płanie pastavak hrečki. «Tak, u Rasii čakajecca niedabor hrečki, ale dla nas, dumaju, heta nie stanie prablemaj, — skazaŭ jon. — My vyrašyli hetuju prablemu ŭ 2010 hodzie, u hetym hodzie prablem tym bolš nie budzie».
Pa słovach namieśnika ministra, kraina ŭžo na dadzieny momant całkam zabiaśpiečana hrečkaj. «Z ulikam letašniaha zapasu i ciapierašniaha ŭradžaju ŭ nas jość 18 tys. t hrečki. Heta hadavy zapas», — padkreśliŭ Vasil Siedzin. Akramia taho, da 9 tys. ton hrečki budzie impartavana pa vyniku hoda.
«Tamu nijakaha ažyjatažu z hrečkaj u nas niama», — skazaŭ namieśnik ministra sielskaj haspadarki i charčavańnia.