Na hetym tydni amal usia terytoryja Biełarusi apyniecca va ŭładzie šyrokaha antycykłonu. Z-za arktyčnaha pavietra tempieratura pačnie pastupova źnižacca.
Pra heta TUT.BY paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ.
Chaładniej za ŭsio budzie pa paŭnočnym uschodzie krainy, na paŭdniovym zachadzie — krychu ciaplej. Vialikaja vierahodnaść taho, što da kanca tydnia miescami pa krainie sfarmujecca śniežny kilim.
U aŭtorak, 18 listapada, pieravažna biez apadkaŭ, tolki pa paŭdniovym zachadzie miescami nievialikija apadki (u asnoŭnym doždž), słaby hałalod. Tempieratura pavietra minimalnaja nočču -3 … +3°S, pa paŭnočnym uschodzie pry prajaśnieńniach da -6°S, maksimalnaja dniom -2 …+4°S.
U sieradu i čaćvier tempieratura praciahnie źnižacca. Unačy -5 … +2°S, pa paŭnočnym uschodzie pry prajaśnieńniach da -7°S, maksimalnaja tempieratura dniom składzie -2 … +4°S. Pa paŭdniova-zachodniaj pałovie krainie apadki (doždž, mokry śnieh), słaby hałalod.
U piatnicu, 21 listapada, u zachodnich rajonach apadki (mokry śnieh, doždž), słaby hałalod. Tempieratura pavietra minimalnaja nočču -5 … + 2°S, pa ŭschodzie pry prajaśnieńniach -6 … -8°S, maksimalnaja dniom -2 … + 3°S.
U vychodnyja dni, čakajecca dalejšaje panižeńnie tempieratury i na fonie pavyšanaha cisku budzie prachodzić małaaktyŭny atmaśfierny front, jaki pryniasie miescami karotkačasovy śnieh, mokry śnieh, słaby hałalod. Miescami pa krainie sfarmujecca ŭžo śniežny kilim.
Tempieratura pavietra minimalnaja noččuu 0 … -7°S, pry prajaśnieńniach -8 — 10°S, maksimalnaja dniom -3 … +2°S.
