Univiersam «Centralny» — kultavaje miesca nie dla adnaho pakaleńnia minčukoŭ. Jon adkryŭsia ŭ 1954 hodzie jak kaviarnia, dzie možna było vypić čaju i nabyć da jaho roznych prysmakaŭ. Pradavać piva tam stali značna paźniej, i ŭ peŭnyja časy hetaje miesca było punktam zboru tak zvanych «ałka-skinchedaŭ».

Ciapier hetaje miesca znakamitaje svajoj demakratyčnaściu: tut charčujucca i studenty, i ofisnyja supracoŭniki, i čynoŭniki ź dziaržustanovaŭ, jakich u centry šmat. Taksama niaredka tut možna pabačyć biełaruskich mastakoŭ ci muzykaŭ, jakija abmiarkoŭvajuć svaje tvorčyja płany. 

Dniom siudy zabiahajuć, kab vypić harbaty i tanna pierakusić. Možna zamović ježu i stać la stojki, a možna pajści ŭ kaviarniu pobač i sieści za stolik.

Tut taksama možna nabyć makarony, alej, zhuščanaje małako i navat tušonku.

«Dla mianie važna heta miesca jak skryžavańnie praśpiekta, vulic Lenina, Enhielsa, — raspaviadaje mastak i piśmieńnik Adam Hłobus, jaki maje ŭ budynku z «Centralnym» kvateru-studyju. — Bo ŭsio važnaje ŭ Minsku zdarajecca niedzie tut pobač. Sam časam prychodžu siudy pa kavu i pasłuchać cikavyja historyi. Ja nie lublu snabizm, bo liču, što ŭsie ludzi roŭnyja, i hety ŭniviersam vydatna heta pakazvaje. Ja nie suprać darahich restaracyj, chaj jany buduć, ale pavinna być i demakratyčnaje miesca, dzie ŭraŭnivajucca prafiesar i student, rabočy i sielanin, kandydat u prezidenty i prosty vybarščyk».

Bližej da viečara miesca la stojki znajści ciažka - navat u budnija tut šmat narodu.

«Tut šmat ludziej, jakija pierabralisia siudy paśla 2008 hoda, kali zabaranili pić piva na vulicy, — dadaje Viktar Kontar, časty naviednik «Centralnaha», jaki byvaje tut nastolki časta, što paśpieŭ zarabić sabie zvańnie mera ŭ «Forsquare». — My nazyvajem ich «prychadžanie». Raniej jany svaimi tusoŭkami źbiralisia na alejkach, na Panikoŭcy, na Fieliksa, a paśla pierabralisia siudy, bo tut ciopła, tanna i možna pić».

Kolki miesiacaŭ tamu pajšli hutarki ab tym, što ŭ «Centralnym» pierastanuć pradavać piva, a stojku pobač z kasami prybiaruć. 

«Na majoj pamiaci ŭžo byŭ ekśpierymient z tym, kab prybrać barnuju stojku, — kaža muzyka Alaksandr Pamidoraŭ. — Heta adbyłosia ŭ 90-ja, kali «Centralny» pierachodziŭ u pryvatnyja ruki. Praz 2 miesiacy jaje viarnuli nazad. Bo usio roŭna ludzi stajali, vypivali svaju kavu, harbatu, ci jašče što-niebudź, ale było heta ŭ značna horšych umovach. Palityka ŭsio zabaraniać ni da čaho dobraha jašče nie pryvodziła, uzhadajem, što było z SSSR».

Roŭna ŭ 23:00 achoŭnik vyhaniaje ŭsich i začyniaje dźviery. Niekatoryja naviedniki zastajucca la

Karespandenty «Našaj Nivy» doŭha siadzieli ŭ hetym lehiendarnym miescy, kab źniać atmafiernaje videa. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?