Mikałaj Snapkoŭ, fota Siarhieja Zinina

Mikałaj Snapkoŭ, fota Siarhieja Zinina

Ekanamičny rost u Biełarusi prykładna napałovu zaležyć ad Rasii, zajaviŭ u intervju BiełaPAN ministr ekanomiki Mikałaj Snapkoŭ.

«Upłyŭ padziej u rasijskaj ekanomicy na biełaruskuju — biassprečny. Na hety čas naš VUP prama abo ŭskosna napałovu zaležyć ad Rasii», — skazaŭ ministr. 

Pry hetym jon adznačyŭ, što ŭ 2015 hodzie dynamika VUP u Rasii naŭrad ci istotna paŭpłyvaje na vykanańnie zaćvierdžanaha ŭ Biełarusi prahnozu pa tempach ekanamičnaha rostu (na ŭzroŭni 0,2—0,7%). Na dumku Snapkova, navat u vypadku niekatoraha źnižeńnia VUP Rasii ŭ nastupnym hodzie popyt na biełaruskuju pradukcyju budzie zachoŭvacca. «Ad takich tavaraŭ, jak charčavańnie i naftapradukty, jakija my siońnia ŭ vialikim ab`iomie pastaŭlajem u Rasiju, admaŭlajucca ŭ apošniuju čarhu. Tamu my nie čakajem źnižeńnia ekspartu hetych tavaraŭ u Rasiju», — skazaŭ ministr. 

Ekspart pradukcyi biełaruskaha mašynabudavańnia ŭ nastupnym hodzie taksama nie pavinien źnizicca, ličyć Snapkoŭ.

«Što da ekspartu našych inviestycyjnych tavaraŭ (najpierš pradukcyi mašynabudavańnia), to jon, pavodle našych acenak, užo dasiahnuŭ nižniaj adznaki. My miarkujem, što inviestycyjny ekspart u fizičnym vyražeńni zachavajecca ŭ 2015-m, jak minimum, na ŭzroŭni hetaha hoda», — skazaŭ kiraŭnik Minekanomiki. 

Z ulikam pieraličanych faktaraŭ, dadaŭ jon, «my nie schilnyja ŭviazvać mahčymaści našaha ekanamičnaha rostu ŭ nastupnym hodzie z paramietrami ŭ Rasii». «Źnižeńnie VUP u Rasii, kali i adbudziecca ŭ 2015 hodzie, naŭrad ci budzie vialikim», — adznačyŭ Snapkoŭ. 

Pavodle jaho słoŭ, «adzin z hałoŭnych faktaraŭ, jaki ŭpłyvaje na situacyju ŭ Rasii, — cana na naftu». «Kali cana na naftu budzie nie nižejšaj za 80 dalaraŭ za barel, taki ŭzrovień dla Rasii i dla našaj ekanomiki budzie kamfortnym», — skazaŭ ministr ekanomiki. 

Pry hetym jon udakładniŭ: źnižeńnie cen na naftu nižej za hety ŭzrovień niepažadanaje, bo viadzie da niekatoraha niekrytyčnaha pamianšeńnia stanoŭčaha salda ŭ handli naftaj i naftapraduktami. «Kali havaryć ab upłyvie hetaha faktaru (cen na naftu) na našu krainu, to źnižeńnie cen na naftu na 1 dołar aznačaje dla nas pamianšeńnie na 20 miljonaŭ dołaraŭ salda ŭ handli naftaj i naftapraduktami ŭ hadavym vymiareńni», — skazaŭ Mikałaj Snapkoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?