Uzbrojenyja siły Biełarusi pačali atrymlivać elemienty novaha indyvidualnaha ryštunku — taktyčnyja akulary i achoŭnyja šlemy, paviedamiŭ sajt vsr.mil.by.

Aficyjnaje fota novaha šlema.

Aficyjnaje fota novaha šlema.

Achoŭnyja šlemy ZŠ-1 i ZŠ-1-2 pavinny abaranić hałavu žaŭniera ad chałodnaj zbroi, kulaŭ strałkovaj zbroi, askiepkaŭ snaradaŭ, hranat, min, a taksama ad traŭm. U adroźnieńnie ad stalovych šlemaŭ, jakija dahetul vykarystoŭvajucca biełaruskimi naziemnymi vojskami, šlem ZŠ-1 zrobleny z aramidnych tkanin. Takaja sintetyčnaja tkanina vielmi efiektyŭna źmiakčaje udar i vytrymlivaje vysokija tempieratury. ZŠ-1-2 maje karkas z aluminijevaha spłavu i aramidny nižni słoj, a taksama barmicu dla abarony šyi.

Taktyčnyja akulary OT-1 i OT-1M pryznačanyja dla abarony vačej ad askołkaŭ dy ad lubych miechaničnych paškodžańniaŭ padčas boju. Akulary zroblenyja z polikarbanatu.

Hetym ryštunkam płanujecca zabiaśpiečyć uvieś asabisty sastaŭ Uzbrojenych sił za vyklučeńniem tankistaŭ i lotčykaŭ, paviedamiła pres-słužba Ministerstva abarony.

Elemienty novaha ryštunku na bajcach biełaruskaj miratvorčaj roty padčas vučeńniaŭ u listapadzie 2014 hodu.

Elemienty novaha ryštunku na bajcach biełaruskaj miratvorčaj roty padčas vučeńniaŭ u listapadzie 2014 hodu.

Raniej sa spasyłkaj na krynicu ŭ Ministerstvie abarony Biełarusi sajt belvpo.com paviedamlaŭ, što ŭ 2015 hodzie značna pavialičacca vydatki na madernizacyju armii, u suviazi z čym nie vyklučana źjaŭleńnie i inšych novych typaŭ ryštunku i techniki.

Pakul niama infarmacyi, jakoje pradpryjemstva budzie zajmacca vytvorčaściu novaha ryštunku. Viadoma, naprykład, što ŭ Biełarusi šlemy ZŠ-1 i ZŠ-1-2 vyrablaje kampanija AHV-POŁSPO — sumiesnaje pradpryjemstva połackaha «Škłovałakna» i italjanskaj firmy AGV-S.p.A.

Dadzienyja pra šlem ZŠ-1-2 z sajta biełaruskaha vytvorcy polspo.by.

Dadzienyja pra šlem ZŠ-1-2 z sajta biełaruskaha vytvorcy polspo.by.

Padobnuju pradukcyju Biełaruś zdolnaja vyrablać i raspracoŭvać samastojna, skazaŭ NN biełaruski vajskovy analityk Alaksandr Alesin i adznačyŭ, što elemienty novaha ryštunku vypraboŭvalisia ŭ vojskach padčas vučeńniaŭ «Zachad-2013». Pavodle jaho mierkavańnia, spačatku novyja šlemy i akulary pojduć u biełaruskija častki chutkaha reahavańnia i śpiecpryznačeńnia, bo Ministerstva abarony pakul nie maje hrošaj, kab zabiaśpiečyć usiu armiju.

Kompleks «Sałdat — bajavyja sistemy».

Kompleks «Sałdat — bajavyja sistemy».

Taksama jon nahadaŭ, što ŭ 2013 hodzie Biełaruś prademanstravała pierśpiektyŭny kompleks indyvidualnaha bajavoha ryštunku «Sałdat — bajavyja sistemy». U skład hetaha kompleksu uvachodziać aptyčna-elektronny prycelny kompleks, videakamiera, ciepłavizar, łazierny dalnamier, prybor načnoha bačańnia, sistema kantrolu za bajazdolnaściu vajskoŭca (datčyk pulsu, datčyk uzroŭniu kisłarodu ŭ kryvi).

Taksama budučy biełaruski vajskoviec, jak płanujecca, budzie mieć ličbavuju radyjostancyju, radyjomadem, roznyja vidy kampjutaraŭ u zaležnaści ad patrebaŭ, spadarožnikavyja srodki navihacyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?