Alaksandr Łukašenka daručyŭ akazać padtrymku eksparcioram, jakija handlujuć z Rasijskaj Fiederacyjaj, u suviazi z ekanamičnaj situacyjaj, što tam skłałasia. Ab hetym paviedamlaje pres-słužba pa vynikach narady pa aktualnych pytańniach raźvićcia ekanomiki, jakaja prajšła 11 śniežnia.

«Asablivaja ŭvaha nadavałasia rasijskamu rynku, dzie skłałasia časovaja situacyja, kali kurs rasijskaha rubla źmianiajecca chutka, a ceny za im nie paśpiavajuć. Biezumoŭna, heta ŭpłyvaje na biełaruskich eksparcioraŭ. Dziaržava akaža padtrymku eksparcioram, jakija handlujuć z Rasijskaj Fiederacyjaj, u suviazi z časovaj situacyjaj, što tam skłałasia», — havorycca ŭ paviedamleńni.

«U Biełarusi dola ekspartu ŭ Rasiju składaje ŭsiaho 40%.

Jak infarmuje ŭrad, situacyja pad kantrolem, bolš za toje, za 10 miesiacaŭ hetaha hoda skaraciłasia debitorskaja zapazyčanaść i zapasy hatovaj pradukcyi na składach.

Skaračeńnie skłała kala 1 młrd. dołaraŭ ZŠA, — paviedamlaje pres-słužba. —

Čakajecca, što, chutčej za ŭsio, najbližejšym časam u Rasii moža adbycca inflacyjny ŭsplosk, i heta dazvolić častkova kampiensavać tyja ciažkaści, jakija ŭźnikli ŭ eksparcioraŭ». 

Pa vynikach narady kiraŭnik dziaržavy daŭ šerah daručeńniaŭ u suviazi z najaŭnaj situacyjaj. U pryvatnaści, Łukašenka zapatrabavaŭ bolš aktyŭna dyviersifikavać ekspart. Zadačy pastaŭlenyja ŭradu, Ministerstvu zamiežnych spraŭ, pasolstvam i ich handlova-ekanamičnym słužbam. 

«Adnak biźnies pačynaje i sam rabić peŭnyja kroki ŭ hetym kirunku. Tak, za dzieviać miesiacaŭ hetaha hoda tempy rostu ekspartu Biełarusi ŭ trecija krainy (nie Rasiju) pieravyšajuć jak letašnija pakazčyki, tak i tempy rostu handlu ŭ Rasiju. Tut rola ŭrada zaklučajecca ŭ akazańni svoječasovaj padtrymki, kab hety ruch padchapić i dapamahčy pieranakiravać handlovyja patoki ŭ bolš vyhadnyja krainy», — paviedamlajecca pa vynikach narady. 

Alaksandr Łukašenka taksama pastaviŭ zadaču pa źnižeńni sabiekoštu na dziaržpradpryjemstvach i ŭ cełym u dziaržaparacie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?