president.gov.by

president.gov.by

Alaksandr Łukašenka 15 śniežnia padpisaŭ dekret numar 5 «Ab uzmacnieńni patrabavańniaŭ da kirujučych kadraŭ i rabotnikaŭ arhanizacyj».

Dakumient nakiravany na vykaranieńnie biezhaspadarčaści, umacavańnie vytvorča-technałahičnaj, pracoŭnaj i vykanalnickaj dyscypliny, a taksama spynieńnie faktaŭ pracaŭładkavańnia niadobrasumlennych kiraŭnikoŭ na novuju kirujučuju pasadu.

Tak, na kiraŭnikoŭ arhanizacyj dziaržaŭnaj i pryvatnaj form ułasnaści dekretam uskładajecca piersanalnaja adkaznaść za zabieśpiačeńnie vytvorča-technałahičnaj, vykanalnickaj i pracoŭnaj dyscypliny, naležnaje ŭtrymańnie budynkaŭ, pamiaškańniaŭ i abstalavańnia, zachavańnie ŭmoŭ pracy rabotnikaŭ.

Pry nievykanańni patrabavańniaŭ kiraŭnik budzie pryciahvacca da dyscyplinarnaj adkaznaści až da zvalnieńnia. Hetyja dadatkovyja kryteryi acenki raboty kiraŭnika buduć uličvacca pry jaho atestacyi i pry pryniaćci rašeńnia ab pradaŭžeńni ź im kantrakta.

Adnačasova z ustanaŭleńniem adkaznaści kiraŭnikoŭ praduhledžvajecca nadzialeńnie ich dadatkovymi pravami, jakija dajuć mahčymaść zabiaśpiečyć naležnuju vytvorčuju i pracoŭnuju dyscyplinu, apieratyŭnuju realizacyju prymajemych kiraŭnickich rašeńniaŭ.

U pryvatnaści, kiraŭniki arhanizacyj atrymajuć prava źmianiać istotnyja ŭmovy pracy rabotnika ŭ suviazi z abhruntavanymi vytvorčymi, arhanizacyjnymi abo ekanamičnymi pryčynami, papiaredziŭšy rabotnika nie mienš jak za 7 kalandarnych dzion (ciapier ustanoŭleny miesiačny termin papiaredžańnia). Źmianšeńnie terminu papiaredžańnia daść mahčymaść bolš apieratyŭna źmianiać umovy pracy rabotnikaŭ (naprykład, režym rabočaha času abo sistemu apłaty pracy), a značyć bolš chutka reahavać na źmianieńnie kanjunkturnych i źniešnich faktaraŭ.

Kiraŭnik zmoža prymianiać da rabotnikaŭ, jakija parušyli dyscyplinu, u jakaści samastojnaj miery dyscyplinarnaha spahnańnia depremiravańnie na termin da dvanaccaci miesiacaŭ (zhodna ź dziejučymi praviłami mierami dyscyplinarnaha spahnańnia źjaŭlajucca zaŭvaha, vymova i zvalnieńnie). Uviadzieńnie materyjalnaha vidu dyscyplinarnaha spahnańnia daść mahčymaść bolš hibka reahavać na dapuščanyja rabotnikam parušeńni, pavysić pracoŭnuju dyscyplinu i budzie źjaŭlacca bolš dziejsnaj mieraj dyscyplinarnaha ŭździejańnia, čym vymova i zaŭvaha. Prymianiacca depremiravańnie budzie ŭ adnosinach da ŭžo naznačanych premij.

Taksama kiraŭnik arhanizacyi zmoža nieadkładna adchilać rabotnikaŭ ad raboty ŭ vypadku ŭčynieńnia imi dyscyplinarnych pravinnaściej, što pryviali abo mohuć pryvieści da pryčynieńnia arhanizacyi straty.

Heta miera daść mahčymaść apieratyŭna spynić luboje parušeńnie dyscypliny i, takim čynam, nie apłačvać pieryjad, na praciahu jakoha rabotnik byŭ adchileny ad raboty.

Kiraŭnik atrymaje prava zvalniać rabotnikaŭ, jakija dapuścili parušeńnie dyscypliny, što pryviało da pryčynieńnia arhanizacyi straty ŭ pamiery, jaki pieravyšaje try siaredniamiesiačnyja zarabotnyja płaty pa respublicy (z adnačasovym paviedamleńniem prafsajuzu).

Uviadzieńnie hetaj padstavy zvalnieńnia daść mahčymaść pavysić dyscyplinu pracy i bieražlivaje staŭleńnie rabotnikaŭ da davieranych srodkaŭ vytvorčaści. Pamier pryčynienaj straty, što budzie źjaŭlacca padstavaj dla zvalnieńnia, davoli vysoki i siońnia składaje kala Br19 młn. Mahčymaść zvalnieńnia rabotnika pa hetaj padstavie źjaŭlajecca pravam kiraŭnika, a nie jaho abaviazkam.

Akramia taho, kiraŭnik arhanizacyi zmoža ŭtrymlivać z zarabotnaj płaty rabotnika ŭ lik pakryćcia straty, pryčynienaj pa vinie rabotnika, da troch jaho siaredniamiesiačnych zarpłat biez padačy iska ŭ sud (ciapier najmalnik maje prava ŭtrymlivać stratu ŭ pamiery adnoj siaredniamiesiačnaj zarpłaty).

Heta pradastavić najmalniku bolš hibki instrumientaryj pakryćcia strat ad naniesienaj rabotnikam škody, sekanomić časavyja i finansavyja vydatki. Pry hetym za rabotnikam zachoŭvajecca prava abskardzić pryniataje najmalnikam rašeńnie ŭ sudovym paradku.

Kiraŭnik budzie mieć prava ŭstanaŭlivać rabotniku, jaki nie dapuskaje parušeńniaŭ dyscypliny, dadatkovyja vypłaty stymulujučaha charaktaru biez abmiežavańnia ich pamieru za košt prybytku.

U dekrecie zamacoŭvajecca pieralik dyskredytujučych abstavin zvalnieńnia, u adpaviednaści ź jakimi pracoŭnyja dahavory (kantrakty) mohuć być skasavany kiraŭnikom da zaviaršeńnia terminu ich dziejańnia. Pieralik źjaŭlajecca vyčarpalnym i ŭklučaje ŭsie isnujučyja ŭ zakanadaŭstvie padstavy zvalnieńnia, źviazanyja ź nienaležnym vykanańniem pracoŭnych abaviazkaŭ.

Za ŭtojvańnie dyskredytujučaj padstavy zvalnieńnia rabotnika (naprykład, zvalnieńnie «pa pahadnieńni bakoŭ» rabotnika, jaki ŭčyniŭ pjanku na rabočym miescy) kiraŭniki buduć pryciahvacca da dyscyplinarnaj adkaznaści až da zvalnieńnia.

Dakumientam taksama ŭvodziacca zabarony i abmiežavańni pry naznačeńni na kirujučyja pasady asob, zvolnienych pa dyskredytujučych abstavinach.

U pryvatnaści, ustanaŭlivajecca zabarona naznačeńnia na pasady, uklučanyja ŭ kadravyja rejestry kiraŭnika dziaržavy, urada, abłvykankamaŭ (Minharvykankama), rajonnych, haradskich vykankamaŭ, miascovych administracyj rajonaŭ u haradach, asob, zvolnienych pa dyskredytujučych abstavinach, na praciahu piaci hadoŭ z dnia takoha zvalnieńnia.

Naznačeńnie takich asob (na praciahu piaci hadoŭ paśla zvalnieńnia pa dyskredytujučych abstavinach) na inšyja kirujučyja pasady ŭ arhanizacyi dziaržaŭnaj i pryvatnaj form ułasnaści budzie ažyćciaŭlacca sa zhody rajonnaha, haradskoha vykankama, miascovaj administracyi.

Takoje ŭzhadnieńnie budzie ažyćciaŭlacca na padstavie infarmacyi ab kandydacie, u tym liku pradstaŭleńnia matyvavanaha chadajnictva arhanizacyi i prykładzienych da jaho charaktarystyk z papiarednich miesc raboty za apošnija piać hadoŭ.

Za parušeńnie praduhledžanaha dekretam paradku naznačeńnia na kirujučyja pasady, admovu ŭ vydačy abo parušeńnie terminaŭ vydačy charaktarystyk kiraŭniki buduć pryciahvacca da dyscyplinarnaj adkaznaści až da zvalnieńnia. Pry hetym asoba, naznačanaja na pasadu z parušeńniem patrabavańniaŭ dekreta, budzie padlahać biezumoŭnamu zvalnieńniu ŭ suviazi z parušeńniem ustanoŭlenych pravił pryjomu na rabotu.

Uvodzimyja dakumientam patrabavańni buduć raspaŭsiudžvacca na rabotnikaŭ i kiraŭnikoŭ jak dziaržaŭnych, tak i pryvatnych arhanizacyj.

Dekret ustupaje ŭ siłu z 1 studzienia 2015 hoda

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?