U Biełarusi dniom 19 śniežnia ŭ suviazi z DDoS-atakaj na abstalavańnie nacyjanalnaha internet-pravajdera RUP «Biełtelekam» adznačalisia ciažkaści z dostupam da šerahu resursaŭ bajnetu.
«Śpiecyjalistami pryniaty ŭsie miery pa łakalizacyi mahčymych prablem», — cytuje BiełaPAN paviedamleńnie nacyjanalnaha apieratara suviazi.
DDoS — ataka na vyličalnuju sistemu (zvyčajna zładžannaja chakierami) z metaj davieści jaje da zboju i uskładnić karystalnikam dostup da resursaŭ sistemy.
«Biełtelekam» źjaŭlajecca pieršasnym internet-pravajdaram u Biełarusi, ažyćciaŭlaje pieradaču dadzienych, zabiaśpiečvaje dostup da mižnarodnych i biełaruskich resursaŭ internetu.
