Viadučaja «Pieršaha kanała» Irada Ziejnałava ŭ efiry niadzielnaha vypusku prahramy «Vriemia» prakamientavała siužet pra «raśpiataha chłopčyka», pakazany telekanałam u lipieni hetaha hoda. Padstavaj dla hetaha stała pytańnie, zadadzienaje Ksienijaj Sabčak Uładzimiru Pucinu padčas pres-kanfierencyi 18 śniežnia.

«U žurnalistaŭ nie było i niama dokazaŭ hetaj trahiedyi, ale heta realny apovied realna isnujučaj žančyny, jakaja źbiehła ź piekła ŭ Słaviansku. Toje, pra što jana kazała, ustała ŭ adzin šerah, u źviano va ŭžo biaskoncym łancužku śviedčańniaŭ. Pra losy dziasiatkaŭ dziaciej, razarvanych snaradami, rasstralanych pry sprobie biehčy, jakija zahinuli pry avijanalotu i artabstrełaŭ», — dakazvała viadučaja.

U vynikovaj frazie siužetu Ziejnałava reziumavała, što «žyćcio akazałasia strašniej fantazii. Kali balučaj fantazijaj žančyny, čyja psichika nie vytrymała piekła kruhłasutačnych abstrełaŭ Słavianska, byŭ apovied łuhanskaj uciakački».

Nahadajem, u lipieni 2014 hoda ŭ efiry «Pieršaha kanała» źjaviŭsia siužet, u jakim žančyna, jakaja nazvała siabie ŭciakačkaj sa Słavianska, raspaviała pra toje, jak ukrainskija vajskoŭcy ŭkryžavali chłopčyka na došcy abjavaŭ.

Maci chłopčyka, pa słovach hieraini siužeta, taksama pakarali śmierciu. Nijakich paćvierdžańniaŭ hetaja infarmacyja nie atrymała. Varta adznačyć, što za niekalki dzion da pakazu siužetu na «Pieršym kanale» padobnaja historyja była apublikavanaja ŭ fejsbuku fiłosafam Alaksandram Duhinym.

Paśla vyjavili, što i žančyna taja nikoli nie žyła ŭ Słaviansku, što ŭsio heta čystaja vydumka.

Клас
0
Панылы сорам
0
Ха-ха
0
Ого
0
Сумна
0
Абуральна
0