U RF padrychtavalisia da dvuch varyjantaŭ raźvićcia padziej.
Pazicyja Rasii pa minskich pieramovach naohuł nie ahučvajecca nikim. Ale, jak raspaviała «Viestiam» krynica ŭ blizkich da Kramla ekśpiertnych kołach, u Maskvy jość dva varyjanty płana dziejańniaŭ.
Płan A ŭ tym, što DNR i ŁNR zastajucca ŭ składzie Ukrainy, pieratvarajučysia ŭ aŭtanomnyja respubliki (albo ŭ miežach abłaściej, albo ŭ dziejučych miežach), u jakich zachoŭvajucca ŭłada ciapierašniaha kiraŭnictva sieparatystaŭ, ich uzbrojenyja siły i inšyja śpiecsłužby; akramia taho, abiedźvie respubliki pavinny mieć prava na asablivyja ekanamičnyja adnosiny z Rasijaj.
Častka ludziej u asiarodździ Pucina ŭpeŭnienaja, što z Kijevam jašče možna damovicca pa hetych punktach pry dapamozie Zachadu (ź ES i ZŠA pra heta i viaducca ŭ apošni čas pieramovy, Rasija dakazvaje, što heta adziny sposab prynieści Ukrainie doŭhaterminovy mir i vyvieści krainu z ekanamičnaha kryzisu, u tym liku i z rasijskaj finansavaj dapamohaj). Inšaja častka miarkuje, što heta pustaja trata času i Kijeŭ i Zachad na takija ŭmovy nikoli nie pojduć. Kali pieramovy skončacca pravałam (što całkam vierahodna),
Maskva pačnie realizacyju płana B.
Apošni ž zaklučajecca ŭ arhanizacyi ekanamičnaj haspadarki ŭnutry niepryznanych respublik jak niezaležnych terytoryj, na jakich budzie dziejničać albo ŭłasnaja valuta — «rubiel Navarosii», abo rasijski rubiel.
Pa słovach krynicy, Kreml płanuje ulić u DNR / ŁNR srodki, nieabchodnyja dla taho, kab uzrovień sacstandartaŭ na hetych terytoryjach apynuŭsia vyšej, čym va Ukrainie. Praŭda, realizacyja hetaha płana patrabuje doŭhaha času, a hrošy «respublikam» patrebnyja ŭžo ciapier — ludzi siadziać biez hrošaj užo niekalki miesiacaŭ i ich ciarpieńnie skančajecca.
Akramia taho, składanaja ekanamičnaja situacyja ŭ samoj Rasii taksama ŭskładniaje arhanizacyju mamientalnaj dapamohi. Ale ŭ lubym vypadku, jak kaža krynica, taki płan jość i jon pačnie realizoŭvacca,
jak tolki ŭ Kramli kančatkova pryjduć da vysnovy, što ideja z aŭtanomijaj miortvaja.
Pry hetym płanaŭ arhanizacyi nastupleńnia sieparatystaŭ i ŭłasnych vojskaŭ u Kramla niama, dadaje krynica. Tearetyčna jano mahčyma tolki ŭ dvuch vypadkach - kali ŭ nastup piarojdzie ŭkrainskaja armija (heta značyć u jakaści kontrnastupleńnia) abo kali front sił ato i ŭsia sistema siłavych struktur Ukrainy rassyplecca.
