fota Kiryły Chilka

fota Kiryły Chilka

Aktyvist z Homiela Juryj Rubcoŭ, jakoha abvinavacili ŭ abrazie sudździ, budzie adbyvać pakarańnie ŭ papraŭčaj ustanovie adkrytaha typu № 7 u vioscy Kuplin Pružanskaha rajona.

Pra heta Rubcoŭ napisaŭ u svaim facebook učora ŭviečary. Zaraz jon prachodzić praceduru afarmleńnia ŭ kamiendatury.

Raniej tam adbyvaŭ pakarańnie sustaršynia arhkamiteta pa stvareńni partyi «Biełaruskaja chryścijanskaja demakratyja» Pavał Sieviaryniec. Rubcoŭ byŭ abvinavačany złačynstvie, praduhledžanym artykułam 391 Kryminalnaha kodeksa — abraza sudździ abo narodnaha zasiadaciela.

6 kastryčnika 2014 hoda ŭ sudzie Centralnaha rajona Minska Natalla Vajcechovič ahučyła prysud – dva z pałovaj hady abmiežavańnia voli z nakiravańniem va ŭstanovu adkrytaha typu.

Adzin hod z hetaha terminu byŭ skasavany pa amnistyi, tamu dla adbyćcia pakarańnia zastałosia paŭtary hady.

21 listapada Minski haradski sud, razhledzieŭšy skarhu Juryja Rubcova, pakinuŭ prysud aktyvistu bieź źmienaŭ, a skarhu biez zadavalnieńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?