Vajskovy fłot ZŠA pravioŭ vyprabavańni padvodnaha bieśpiłotnaha aparata, jaki formaj i pryncypami ruchu nahadvaje vialikuju rybu, havorycca ŭ aficyjnym paviedamleńni.
Dron-raźviedčyk na vyprabavańniach.
Dron GhostSwimmer važyć prykładna 30 kh, maje daŭžyniu 1,5 m i moža dziejničać na hłybini da 100 mietraŭ.
«Jon płavaje dakładna jak ryba, ruchajučy chvastavym płaŭnikom. Heta spałučeńnie inžynirynha bieśpiłotnych sistem i ŭnikalnych zdolnaściaŭ u sfery ruchu i kantrolu», — adznačyŭ dyrektar Advanced Systems Group Majkł Rufo.
Takim čynam vučonym i inžynieram Advanced Systems Group atrymałasia zrabić svoj dron-raźviedčyk mienš zaŭvažnym, da taho ž jon bolš cichi, čym marskija vyviedčyki, jakija vykarystoŭvajuć zvyčajny vintavy ruchavik.
GhostSwimmer moža dziejničać aŭtanomna albo kantralavacca praz kamputar čałaviekam. Jon byŭ stvorany ŭ miežach praekta Silent NEMO, jaki byŭ raspačaty pa prahramie chutkich inavacyj ŭ fłocie ZŠA.
