16-hadovaha azierbajdžanca Ali Vialijeva nie stała na minułym tydni. Jon syšoŭ u inšy śviet z-za vostraha limfabłastnaha lejkozu.

Dniami biełaruskija vałanciory, jakija zajmalisia pošukam hrošaj dla Ali Vialijeva, daviedalisia sumnuju navinu. Chłopca nie stała.

Nahadajem, što ŭ 2011 hodzie ŭ Ali dyjahnastavali vostry limfabłastny lejkoz (tady chłopcu było 13 hadoŭ). U Azierbajdžanie jamu nie dali šancaŭ. Siamja raspradała ŭsiu majomaść na 70 tysiač dołaraŭ i pierajechała ŭ Biełaruś. A ŭ našaj dziciačaj ankałahičnaj klinicy ŭ Baraŭlanach hetaja suma chutka skončyłasia. Utvaryłasia zapazyčanaść u 25 tysiač dołaraŭ. Na biadu adhuknulisia biełaruskija vałanciory i pačali źbirać dla Ali dabračynnyja achviaravańni. Ludzi achvotna pahadžalisia dapamahčy zamiežnamu pacyjentu rublom. 

Chvaroba adstupiła. Vialijevy viarnulisia ŭ svaju krainu i, nie majučy finansaŭ, pačali žyć u vioscy.

Ale ŭ 2014 hodzie ŭ Ali zdaryŭsia recydyŭ chvaroby. Na žal, u Azierbajdžanie prablemu zaŭvažyli niesvoječasova. Chłopca znoŭku ŭzialisia lačyć u Biełarusi. Praŭda, rachunki vystaŭlalisia šalonyja. Vialijevym u dakumientach paznačyli prahnazavanyja sumy — ad 80 tysiač dołaraŭ. Na słovach siamju papiaredzili, što kali ŭsio składziecca spryjalna, treba rychtavać kala 150 tysiač dołaraŭ.

Biełaruskija vałanciory znoŭ dałučylisia da zboru srodkaŭ. Davoli chutka ŭdałosia sabrać kala 20 tysiač dołaraŭ. Zbor srodkaŭ praciahvaŭsia. U vyniku dapamahčy biełaruskaja miedycyna nie zmahła. Vałanciory pačali šukać dla azierbajdžanskaj siamji sponsarskija varyjanty ŭ Izraili, Hiermanii dy inšych krainach Zachodniaj Jeŭropy. U vyniku šviejcarskaja klinika dała zhodu lačyć Ali biaspłatna.

«Jašče nie tak daŭno my hutaryli ź Vialijevymi, jany źbirali dakumienty dla vyletu ŭ Šviejcaryju. Ale, na žal, nie paśpieli», — skazaŭ adzin ź biełaruskich vałancioraŭ.

Ahułam biełarusy naźbirali na lačeńnie Ali bolš za 50 tysiač dołaraŭ. U toj ža čas azierbajdžanskija miedyja i biznesmeny zazvyčaj nie reahavali na prośby biełaruskich vałancioraŭ padtrymać svajho ziemlaka finansava ci chacia b infarmacyjna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?