U Biełarusi ŭ situacyi, jakaja skłałasia na finansavym i valutnym rynkach, nie buduć strymlivać impart tavaraŭ. Pra heta siońnia zajaviŭ Alaksandr Łukašenka, prymajučy z dakładami pamočnikaŭ prezidenta pa Viciebskaj i Hrodzienskaj abłaściach Mikałaja Šarstniova i Uładzimira Damanieŭskaha.

Kiraŭnik dziaržavy pačaŭ razmovu ź situacyi, jakaja składvajecca ŭ biełaruskaj ekanomicy i ŭpłyvaje ŭ tym liku na valutny rynak. Budučy zaniepakojenymi tym, što nibyta abiasceńvajecca biełaruskaja valuta, hramadzianie imknucca chutčej jaje kudy-to ŭkłaści, skupajučy roznyja tavary.

«Dziakuj ludziam, a to ŭ nas składy byli pierahružanyja pralnymi mašynami, bytavoj technikaj, ZVČ-piečami, prasami i inšym. Zaraz raptam jany spatrebilisia i niekatorym pa piać, pa šeść adzinak, — adznačyŭ jon. — Tamu, z adnaho boku, dziakuj im za toje, što jany razhruzili składy. Tym samym, jak kažuć finansisty, my źviazali vielizarnuju masu hrašovych srodkaŭ».

Ale, ź inšaha boku, kiraŭnika dziaržavy ździŭlaje, čamu ludzi addajuć pieravahu impartu pa tych hrupach tavaraŭ, jakija vyrablajucca ŭ Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?