itar-tass.com

itar-tass.com

Alaksiej Kudryn pradkazaŭ paŭnavartasny ekanamičny kryzis u Rasii ŭ 2015 hodzie. Pra heta były ministr finansaŭ Rasii zajaviŭ na pres-kanfierencyi ŭ paniadziełak, 22 śniežnia.

«Siońnia mahu skazać, što my ŭvajšli abo ŭvachodzim u sapraŭdny, paŭnavartasny ekanamičny kryzis. U nastupnym hodzie my jaho adčujem ŭ poŭnaj miery», — zajaviŭ Kudryn.

Pavodle jaho słoŭ, kali ceny na naftu marki Brent viernucca na ŭzrovień $80 za barel, to padzieńnie VUP u nastupnym hodzie składzie kala 2%. Kali ž ceny zastanucca na biahučym uzroŭni ŭ $60, to VUP moža źnizicca bolš, čym na 4%.

Kudryn adznačyŭ, što «ŭpieršyniu z 2000 hoda za čas kiravańnia Pucina i Miadźviedzieva źniziacca realnyja dachody nasielnictva».

Taksama jon prahnazuje stabilizacyju kursu rasijskaha rubla ŭ pieršym kvartale 2015 z-za skaračeńnia impartu i popytu na valutu. Impart źnizicca prykładna na 40%, što ŭskładnić dostup da pieradavych technałohij, a značyć zamarudzić madernizacyju.

Były ministr finansaŭ dadaŭ u kancy, što antykryzisnyja miery ŭ ekanomicy nie dapamohuć, kali praciahniecca kanflikt z Zachadam.

A paharšeńnie ekanamičnaj situacyi pryviadzie da rostu pratestnych nastrojaŭ u krainie, ale naŭrad ci da palityčnaha kryzisu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?