Paśla dziesiacisutkavaha aryštu na volu vyjšaŭ žychar Baranavič Dźmitryj Pałojka. 11 śniežnia jaho zatrymali na vakzale ŭ rodnym horadzie, jak tolki jon vyjšaŭ ź ciahnika «Charkaŭ—Baranavičy».

«Padyšli dva supracoŭniki milicyi. Paprasili prajści razam ź imi dziela pravierki rehistracyi. U pastarunku pačali praviarać rečy. Tam ža čakali dva maładyja supracoŭniki KDB. Zaviali ŭ kabiniet. Praviali nievialiki dopyt. Pytalisia: kudy jeździŭ? Z kim sustrakaŭsia? Ja b zrazumieŭ, kab heta cikaviła ŭkrainskuju milicyju ci SBU, a našym tut jakaja roźnica?

Padstavaj dla zatrymańnia, jak skazali mnie, było toje, što majo proźvišča znachodziłasia ŭ śpisach bataljona «Danbas», jaki byŭ źlity ŭ internet. Naturalna, što ja nie pryznavaŭ svajoj datyčnaści da «Danbasa».

Paśla trochhadzinnaha dopytu mianie adpuścili. Praŭda, dali prajści tolki paru mietraŭ pa skviery, dzie mianie ŭžo čakali milicyjanty. U vyniku mianie pasadzili na 10 sutak administracyjnaha aryštu, nibyta za łajanku matam i supraciŭ rabotnikam milicyi pry zatrymańni. Jaki supraciŭ? U mianie ŭ rukach byli ciažkija torby, jak by ja adbivaŭsia?

Amal kožny dzień da mianie prychodzili hutaryć supracoŭniki KDB. Prychodziŭ namieśnik staršyni Baranavickaha adździaleńnia KDB. Byli ludzi z kryminalnaha vyšuku. Pytalisia pra biełarusaŭ, jakija znachodziacca va Ukrainie. Jasnaja sprava, što ničoha ja im nie raskazvaŭ. Pytalisia pra niejkija padziei va Ukrainie, na što ja adkazaŭ: «Dla hetaha dastatkova pačytać naviny ŭ internecie».

Vyhladaje, što pierapisali ŭsie kantakty z majho mabilnaha telefona. Bo byli zvanki va Ukrainu siabram, pradstaŭlalisia, što telefanujuć ad imia majho brata. Takija samyja zvanki atrymali dzieci, jakija ciapier na terytoryi Ukrainy.

Mnie zabaranili vyjezd z terytoryi Biełarusi. Praŭda, ja admoviŭsia niešta padpisvać. Pakul nijakaj kryminalnaj spravy suprać mianie nie zaviedziena. Mnie skazali, što «heta tolki pačatak».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?