Staŭka adzinaha padatku ź indyvidualnych pradprymalnikaŭ, za vyklučeńniem tych, chto zdaje kvatery na sutki, u Minsku z 1 sakaviku 2015 pavialičycca na 15%.
Jak raskazaŭ načalnik inśpiekcyi Ministerstva pa padatkach i zborach pa Minsku Uładzimir Łajkoŭ, pry padrychtoŭcy prajekta rašeńnia praviedzieny analiz dachodaŭ płacielščykaŭ adzinaha padatku.
Vyručka asobnych pradprymalnikaŭ za dzieviać miesiacaŭ biahučaha hoda pavialičyłasia ŭ 1,2-1,3 razy ŭ paraŭnańni z anałahičnym pieryjadam 2013 hoda. Pry hetym u 38% IP dachody ŭ 30 razoŭ pieravysili sumu adzinaha padatku, i jany dadatkova pieraličyli ŭ biudžet Br17,6 młrd.
Dla IP, jakija zdajuć na sutki 1-2-pakajovyja kvatery, padatak składzie Br900 tys., za trochpakajoŭku — Br1,8 młn. A za zdaču takich ža kvater, ale ŭ piataj ekanomika-płanirovačnaj zonie, padatak praduhledžany mienšy: Br760 tys. i Br1,5 młn adpaviedna.
Čakanyja pastupleńni adzinaha padatku ŭ 2015 hodzie prahnazujucca ŭ pamiery Br230 młrd, u biudžet Minska dadatkova pastupić zvyš Br30 młrd.
