Alaksandr Achmač 8 vieraśnia, na Dzień biełaruskaj vajskovaj słavy, sfatahrafavaŭsia z płakatam «Russian army, go home!». U kancy vieraśnia jaho pačali vyklikać u milicyju.

Na 28 listapada pryznačyli sud. Abvinavacili ŭ niesankcyjanavanym pikietavańni. Alaksandr paprasiŭ pieranieści pasiadžeńnie. A paśla napisaŭ zajavu, kab spravu razhladali ŭ jaho adsutnaść. Akramia taho, u zajavie jon ukazaŭ, što, zhodna z zakanadaŭstvam, termin pryciahnieńnia da administracyjnaja adkaznaści — 2 miesiacy. I jon skončyŭsia jašče 9 listapada.

Sudździa Śviatasłaŭ Kalina nie źviarnuŭ ŭvahu na zaŭvahu Achmača i prysudziŭ jamu štraf — 1,5 miljona rubloŭ.

Alaksandr vyrašyŭ paznajomicca z matyvacyjnaj častkaj pastanovy suda, kab skłaści skarhu. Ale akazałasia, što jaje niama.

 

U matyvacyjnaj častcy pavinna być ukazana, na padstavie čaho hruntujecca pastanova i zrobleny vyvad pra vinavataść čałavieka.

Achmač padaŭ skarhu na dziejańni sudździ Kaliny.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?