Nacyjanalny bank paraiŭ bankam pamianiać palityku kursaŭtvareńnia ŭ abmiennych punktach. Z zaŭtrašniaha dnia, 23 śniežnia, kurs kupli ŭ nasielnictva valuty pavinien być mienšy za realny kurs prodažu ŭsiaho na 5%.

Heta patrabavańnie rehulatar ahučyŭ siońnia, paviedamiŭ Tut.baju pradstaŭnik bankaŭskich kołaŭ, jaki prysutničaŭ na naradzie ŭ Nacbanku.

Takim čynam, na tabło ŭ abmiennym punkcie z zaŭtrašniaha dnia kurs kupli dalara budzie vyšejšy, čym kurs prodažu. Bo ŭ abmieńniku kurs pakazvajecca biez uliku zboru ŭ 30%.

Pakolki kurs Nacbanka na 23 śniežnia składaje 10 930 rubloŭ za dalar, to kurs prodažu ŭ abmieńniku składzie prykładna 11 150 rubloŭ (z ulikam rekamiendacyi ab tym, što roźnica nie pavinna być bolš za 2%). Realnaja ž cana, pa jakoj možna kupić dalar, budzie 14.490 (z ulikam zboru ŭ 30%).

Kurs, pa jakim bank nabudzie ŭ nasielnictva dalar, zhodna z novym patrabavańniam Nacbanka, składzie 13 770 rubloŭ.

«Takoje rašeńnie było pryniata dla taho, kab pavialičyć pryvabnaść prodažu valuty nasielnictvam mienavita ŭ abmiennych punktach i prybrać pieradumovy dla farmiravańnia čornaha rynku», — rastłumačyŭ pradstaŭnik bankaŭskaha siektara.

Akramia hetaha, pa słovach bankira, Nacbank jašče raz nahadaŭ bankam ab abaviazkovym vykanańni patrabavańni pa vydačy ŭkładaŭ nasielnictvu pa ich patrabavańni, niezaležna ad taho, skončyŭsia termin ŭkładu abo nie, a taksama niezaležna ad taho, u jakoj valucie zrobleny ŭkład.

Na momant publikacyi hetaha artykuła niajasna, jaki budzie miechanizm uliku kupli i prodažu ŭ vypadku pierachodu na takuju sistemu. Raniej paviedamlałasia, što 30% zbor z prodažu banki buduć addavać u biudžet. Tady vychodzić, što bank budzie kuplać pa bolšaj canie, čym pradavać, ale takoje niemahčyma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?