Minułyja pieramovy ŭ Minsku, na piarednim płanie — pradstaŭnik Ukrainy Leanid Kučma, fota Siarhieja Hapona, AFP.

Minułyja pieramovy ŭ Minsku, na piarednim płanie — pradstaŭnik Ukrainy Leanid Kučma, fota Siarhieja Hapona, AFP.

Prezidenty Rasii, Ukrainy i Francyi Uładzimir Pucin, Piatro Parašenka i Fransua Aland, a taksama kancler FRH Anhieła Mierkiel damovilisia padčas telefonnych pieramoŭ ab praviadzieńni sustrečy kantaktnaj hrupy ŭ Minsku 24 i 26 śniežnia.

Pra heta paviedamili ŭ pres-słužbie Kramla.

«Praciahnuty abmien dumkami pa pytańniach ŭrehulavańnia kanfliktu na paŭdniovym uschodzie Ukrainy. Z zadavalnieńniem adznačana, što ŭ apošnija dni supraćlehłymi bakami ŭ cełym zabiaśpiečvałasia vykanańnie režymu spynieńnia ahniu», - havorycca ŭ paviedamleńni.

Udzielniki pieramovaŭ pryznali važnaść zachavańnia režymu spynieńnia ahniu na ŭschodzie Ukrainy, advodu ciažkich ŭzbrajeńniaŭ i akazańnia humanitarnaj dapamohi nasielnictvu, zaklikaŭšy baki kanfliktu ruchacca ŭ napramku palityčnaha dyjałohu. Pry hetym lidery krain taksama zaklikali aktyvizavać abmien pałonnymi i inšyja punkty Minskaha pratakołu, padkreślili, u svaju čarhu, u Jelisiejskim pałacy.

Datu praviadzieńnia pieramoŭ paćvierdziŭ u Twitter Piatro Parašenka. «Padčas razmovy ŭ «narmandskim farmacie» damovilisia ab sustrečy trochbakovaj kantaktnaj hrupy ŭ Minsku ŭ sieradu i ŭ piatnicu na hetym tydni», — napisaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?