Siarhiej Samujlik, fota shahter.by.

Siarhiej Samujlik, fota shahter.by.

Na stendzie milicyi ŭ Salihorsku źjaviłasia infarmacyja, što ŭ vyšuk abvieščany Samujlik Siarhiej Mikałajevič, 1980 h.n., uradženiec Pinska. 15 śniežnia prykładna ŭ 7.30 jon pajšoŭ na pracu, paśla čaho źnik.

Siarhiej Samujlik — sudździa Salihorskaha rajonnaha suda. «Ničoha nie mahu skazać», — zajaviła staršynia suda Natalla Chaładok.

Fota vk.com/angel_soligorsk.

Fota vk.com/angel_soligorsk.

Vałanciory vyratavalna-pašukovaha atrada «Anioł», milicyja, ratavalniki niekalki dzion pravodzili pošuki na miascovaści — u lesie, u Salihorskim rajonie. Jak paviedamiŭ adzin z žycharoŭ horada, nibyta na pracoŭnym miescy sudździ znajšli cydułku, u jakoj było niešta, što skiravała pošuki mienavita ŭ les. Da pošukaŭ padklučajucca i vadałazy. Nastupny zbor vałancioraŭ zapłanavany na 27 śniežnia.

U navinach proźvišča Samujlika źjaŭlałasia niekalki razoŭ. Sioleta jon sudziŭ aktyvista Uładźmimira Lemieša. Na chłopca skłali pratakoł nibyta za łajanku. Vychadnyja jon pravioŭ u izalatary. A paśla sudździa Samujlik pryznaŭ chłopca vinavatym i aštrafavaŭ na dźvie bazavyja (300 tysiač rubloŭ). Lemieš abskardziŭ rašeńnie, i Minski abłasny sud admianiŭ rašeńnie: sudździa Samujlik «razhladzieŭ spravu paviarchoŭna i naležnym čynam nie daśledavaŭ abstaviny spravy».

U vieraśni 2011 Samujlik aštrafavaŭ staršyniu prafsajuzaŭ REP Hienadzia Fiadyniča za parušeńnie zakona ab masavych mieryprajemstvach. Padstavaj pasłužyli znojdzienyja ŭ jaho mašynie ŭlotki z zaprašeńniem na Narodny schod. Fiadyniča zatrymali pierad jaho sustrečaj z žycharami Salihorska.

U 2009 Siarhiej Samujlik razhladaŭ spravu palitpryzyŭnika Ivana Šyły. Aktyvista tady zabrali ŭ vojska, i jon sprabavaŭ praz sud davieści niezakonnaść pryzyvu. Sudździa pryznaŭ dziejańni vajenkamata zakonnymi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?