Ab adkryćci ŭ Biełarusi internet-kramy Lamoda, bujnoha anłajn-pradaŭca adzieńnia i abutku, raspavioŭ kiraŭnik dyrektar kampanii Fłaryjan Jansien. Pavodle słoŭ Jansiena, rašeńnie vyjści na biełaruski rynak źviazana z chutkim rostam anłajn-handlu ŭ krainie pry adnosnaj nieraźvitaści siehmienta modnych tavaraŭ miascovaha anłajn-rytejła.

Lamoda — hłabalny internet-prajekt, stvorany pry padtrymcy viadučych suśvietnych inviestaraŭ: Rocket Internet, Tengelmann Group, Holtzbrinck Ventures, Investment AB Kinnevik, JP Morgan Asset Management i PPR Group.

Pa dadzienych J'son & Partners Consulting, da 2017 biełaruski rynak anłajn-kamiercyi budzie raści na 18% u hod, a ŭ 2014 64,5% internet-karystalnikaŭ Biełarusi choć raz kuplali tavary ŭ internecie.

Biełaruski prajekt Lamoda abapirajecca na «mahutnuju rasijskuju infrastrukturu»: skład, studyju pa vytvorčaści kantentu, koł-centr. Adhruzki u Biełaruś iduć naŭprost z dystrybucyjnaha centra ŭ Bykavie i dastaŭlajucca ŭ Minsk za 8-10 hadzin praz tranzitny skład.

Adnoj z asablivaściaŭ Lamoda źjaŭlajecca aŭtanomija apieracyjnych pracesaŭ. Vychodziačy na novyja rynki, kampanija imkniecca stvaryć ułasnuju infrastrukturu. Užo ź pieršych dzion pracy novaj internet-kramy ŭ Minsku była zapuščana ŭłasnaja słužba dastaŭki LM Express.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?