Supracoŭniki Hienieralnaj prakuratury Azierbajdžana siońnia ŭ 10.30 pa miascovym časie pačali pravodzić pieratrus u biuro azierbajdžanskaj redakcyi Radyjo Svaboda ŭ Baku.
Supracoŭniki prakuratury, jakija pryjšli ŭ supravadžeńni milicyjantaŭ, zajaŭlajuć, što ŭ ich jość sudovaje rašeńnie «zakryć biuro».
Kienan Alijeŭ, dyrektar azierbajdžanskaj słužby RS, kaža, što pravaachoŭniki sabrali 20 supracoŭnikaŭ biuro ŭ adnym pakoi i zapatrabavali dostupu da dakumientaŭ i asabistych papak žurnalistaŭ u siejfie, pieradaje «Radyjo Svaboda».
Supracoŭniki prakuratury zajaŭlajuć, što pastanova suda źviazanaja z praciaham rasśledavańnia azierbajdžanskaj słužby Radyjo Svaboda jak ŚMI, jakoje finansujecca z-za miažy.
Azierbajdžanskija prakurory praviali padobnyja rejdy ŭ apošnija miesiacy ŭ dačynieńni da inšych arhanizacyj, što finansujucca z-za miažy, u tym liku arhanizacyi hramadzianskaj supolnaści IREX i Nacyjanalnaha demakratyčnaha instytuta.
Abiedźvie zhadanyja arhanizacyi byli ŭ vyniku zakrytyja.
Niekalki tydniaŭ tamu azierbajdžanskija ŭłady aryštavali Chadyžu Ismaiłavu — žurnalistku azierbajdžanskaj słužby RS, jakaja zajmałasia rasśledavańniami.
