Ukrtransinśpiekcyja nakiravała listy aŭtamabilnym pieravozčykam i ŭładalnikam aŭtobusnych stancyj z patrabavańniem spynić z 26 śniežnia prodažy kvitkoŭ i pieravozki pasažyraŭ na aŭtobusnych maršrutach, jakija viaduć u macierykovuju častku Ukrainy z terytoryi Aŭtanomnaj Respubliki Krym.
Jak paviedamlajecca na aficyjnym sajcie Dziaržaŭnaj inśpiekcyi Ukrainy pa biaśpiecy na naziemnym transparcie, takija miery pryniatyja «ŭ suviazi z abvastreńniem situacyi ŭ Aŭtanomnaj Respublicy Krym i ŭvarvańniem na terytoryju Ukrainy uzbrojenych farmiravańniaŭ, pa-ekstremiscku nastrojenych asob i vajennaj ahresijaj z boku Rasijskaj Fiederacyi i z metaj paźbiahańnia pahrozy žyćciu i zdaroŭju pasažyraŭ».
Akramia taho, kiraŭnikam terytaryjalnych orhanaŭ Ukrtransinśpiekcyi daručana pad piersanalnuju adkaznaść nieadkładna davieści da viedama aŭtamabilnych pieravozčykaŭ i abjadnańniaŭ aŭtobusnych stancyj infarmacyju adnosna patrabavańnia spynieńnia pieravozki pasažyraŭ i prodažu kvitkoŭ na aŭtobusnych maršrutach, jakija viaduć u macierykovuju častku Ukrainy z terytoryi Aŭtanomnaj Respubliki Krym.
Raniej paviedamlałasia, što «Ukrzaliźnicia» całkam spyniaje čyhunačnyja znosiny z Krymam. U suviazi ź mierami biaśpieki z 27 śniežnia abmiažoŭvajecca maršrut ruchu ciahnikoŭ u Krym da stancyj Novaalaksiejeŭka i Chierson.
