Aficyjnaje adkryćcio Vizavaha centra Vialikabrytanii 15 studzienia adbyłosia ŭ Minsku.
wikipedia.org
Nadzvyčajny i Paŭnamocny Pasoł Złučanaha Karaleŭstva Vialikabrytanii i Paŭnočnaj Irłandyi ŭ Respublicy Biełaruś Brus Baknieł adznačyŭ: «Ja rady, što ŭ Minsku pačaŭ pracavać Vizavy centr. Spadziajusia, biełarusy buduć zadavoleny ŭzroŭniem akazvajemych tut pasłuh. Taksama heta dobry prykład supracoŭnictva pryvatnaha biźniesu i dziaržavy. Dziakujučy delehavańniu paŭnamoctvaŭ my zmahli adkryć bolš vizavych centraŭ pa ŭsim śviecie i ŭ toj ža čas sekanomić hrošy ŭrada i padatkapłacielščykaŭ Vialikabrytanii».
Faktyčna minski Vizavy centr pačaŭ pracavać pa pryjomie zajaŭ na vizy ŭ Vialikabrytaniju, a taksama bijamietryčnych danych u minułym hodzie. Abstalavanaje dla hetych met pamiaškańnie znachodzicca ŭ viedańni kamiercyjnaha partniora departamienta pa vizach i imihracyjnych spravach MUS Vialikabrytanii (UKVI) - kampanii «Telepierformans». Vizavy centr raźmiaściŭsia ŭ «Niamiha Sici» pa vuł. Niamiha, 40. Padadzienyja siudy dakumienty pierasyłajucca potym u pasolstva Vialikabrytanii ŭ Maskvie, dzie supracoŭniki apracoŭvajuć zajavy na karotkaterminovyja vizy na praciahu 15 rabočych dzion.
U klijentaŭ Vizavaha centra jość mahčymaść skarystacca kompleksam dadatkovych pasłuh, u tym liku VIP-załaj, pramym viartańniem dakumientaŭ kurjeram, a taksama praceduraj paskoranaha razhladu dakumientaŭ (Priority Visa Service, abo PVS).
