U aŭstryjskim Krajšbierhie 14 studzienia startavaŭ čempijanat śvietu pa frystajle. Ad Biełarusi biaruć udzieł piaciora spartsmienaŭ: Maksim Huścik, Dzianis Vosipaŭ, Stanisłaŭ Hładčanka, Alaksandra Ramanoŭskaja i Hanna Huśkova.
U paślaalimpijski siezon biełaruskaja zbornaja vystupaje ŭ Krajšbierhu biez čaćviarych viadučych frystajlistaŭ. Alaksiej Hryšyn i Dźmitryj Daščynski zaviaršyli karjeru, apošni pierajšoŭ na trenierskuju pracu. Alimpijski čempijon Sočy Anton Kušnir zalečvaje traŭmy, jašče adna čempijonka zimovaj Alimpijady-2014 Ała Cupier čakaje dzicia.
Čaćviora ź piaci spartsmienaŭ prajšli kvalifikacyju ŭ akrabatycy, uvajšoŭšy ŭ dvanaccać macniejšych, i 15 studzienia paviaduć baraćbu za miedali.
Pieršuju kvalifikacyju vyjhraŭ rasijanin Ilja Buraŭ, Dzianis Vosipaŭ byŭ trecim. Druhaja kvalifikacyja vyvieła na pieršy radok kitajca Cziu Czańjana. Maksim Huścik pakazaŭ druhi vynik. Takim čynam, Vosipaŭ i Huścik paśpiachova prajšli kvalifikacyju. Stanisłaŭ Hładčanka pa sumie sprob zaniaŭ 16-je miesca i ŭ finał nie trapiŭ.
U dziaŭčat druhoje i treciaje miescy śledam za amierykankaj Ešli Kołdueł zaniali Alaksandra Ramanoŭskaja i Hanna Huśkova.
