Truna z pamierłym čałaviekam zaharełasia ŭ kvatery ŭ Hrodnie, paviedamiŭ supracoŭnik centra prapahandy i ahitacyi abłasnoha ŭpraŭleńnia MNS Ivan Mikjaniec.
Pažar adbyŭsia ŭ kvatery na 6-m paviersie dzieviacipaviarchovaha doma. Jak akazałasia, svajaki niabožčyka, 60-hadovaja haspadynia kvatery i jaje sastarełaja maci, zapalili pierad trunoj śviečku i syšli na kuchniu. Adčuŭšy pach dymu, žančyny zmahli samastojna pakinuć kvateru, a susiedzi patelefanavali ŭ MNS.
Da prybyćcia ratavalnikaŭ u pakoi bušavaŭ ahoń. Evakuiravany 9 žycharoŭ kvater vyšejšych pavierchaŭ. Paciarpieła majomaść, akonnaja rama ŭ pakoi, zakuranyja ścieny i stol. Ahoń paškodziŭ taksama cieła niabožčyka.
Chutčej za ŭsio, pryčynaj pažaru stała pakinutaja biez nahladu zapalenaja śviečka, jakaja mahła ŭpaści i spravakavać uzharańnie.
