Fota: theepochtimes.com

Fota: theepochtimes.com

Pa daručeńni vice-premjera Rasijskaj Fiederacyi Dźmitryja Rahozina ekśpiertnaja rada Vajenna-pramysłovaha kompleksu razhladzieła prajekt fiederalnaj kaśmičnaj prahramy Rasii na bližejšaje dziesiacihodździe.

Pavodle prahramy, piłatavany palot na Miesiac i arhanizacyja miesiacovaj bazy płanavalisia na bližejšyja hady.

Dla taho, kab nakiravać na Miesiac piłatavany transpartny karabiel, płanavałasia stvaryć rakietu-nośbit zvyšciažkaha kłasu, što zdoleła b vyvieści na arbitu 80-tonny karabiel. Ale hetaja zaduma była raskrytykavanaja radaj za ekanamičnuju niemetazhodnaść.

«Dla zvyšciažkaha nośbita z hruzapadymalnaściu 80-90 t niemahčyma znajści kamiercyjnych nahruzak, — havorycca ŭ zaklučeńni rady. Nośbit padobnych pamieraŭ budzie startavać u lepšym vypadku dva razy na hod. Praź nieabchodnaść padtrymlivać infrastrukturu, vytvorčyja mahutnaści, kalektyvy nakładnyja vydatki zrobiać zvyšciažkaj nośbit vielmi darahim».

Taksama krytykavałasia ideja transpartnaha adzinaha karabla dla kalaziamnoj arbity i vandroŭki na Miesiac. 

«Zvyšciažki nośbit i novy kaśmičny karabiel — heta srodki rašeńnia niejkich zadač, — kaža siabra-karespandent Rasijskaj akademii kasmanaŭtyki imia Cyjałkoŭskaha Andrej Ijonin. — A kali zadačy vyrazna nie sfarmulavany, nielha aceńvać metazhodnaść stvareńnia tych ci inšych srodkaŭ».

«Dziaržavie zvyšciažki nośbit dakładna nie patrebny, jak i baza na Miesiacy, — u dziaržavy tam zadač siońnia niama».

Pytańnie pa źmianšeńni biudžetaŭ kaśmičnych prahram staić vostra: ministerstva finansaŭ patrabuje ŭ «Raskosmasa» skaracić dziaržvydatki na 10% na hety hod i prynamsi na 10% na nastupny. Miesiacovyja prahramy zajmajuć 30-40% u biudžecie arhanizacyi na 2016-2025 hady.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?