Ministerstva handlu Biełarusi pryniała rašeńnie prypynić z 21 studzienia pracu dvuch restaranaŭ chutkaha absłuhoŭvańnia Goody's, jakija naležać TAA «Bieł KiuESAR», paviedamili ŭ pres-słužbie handlovaha viedamstva.

Siarod vyjaŭlenych parušeńniaŭ — nievykanańnie tempieraturnych umoŭ pry zachoŭvańni paŭfabrykataŭ, adsutnaść nieabchodnaha abstalavańnia i invientara, jaki zabiaśpiečvaje zachavańnie jakaści i dakładnaj infarmacyi ab tavary, farmalny kantrol jakaści i biaśpieki pradukcyi, vielmi vuzki asartymient tavaraŭ ajčynnych vytvorcaŭ, a taksama prapanova da prodažu tavaraŭ i straŭ ź minułymi terminami prydatnaści», — skazali ŭ pres-słužbie.

Na likvidacyju parušeńniaŭ restaranam adviedziena 7 dzion.

Sietka restaranaŭ chutkaha charčavańnia Goody's uvachodzić u mižnarodnuju sietku fastfudu. U abjektach hramadskaha charčavańnia prapanujucca stravy sučasnaj internacyjanalnaj kuchni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?