Kamitet Dziarždumy pa kultury adnahałosna prahałasavaŭ suprać inicyjatyvy ab viartańni niecenzurnaj leksiki ŭ kino, paviedamlaje TASS sa spasyłkaj na kiraŭnika kamiteta režysiora Stanisłava Havaruchina.

Raniej hrupa rasijskich režysioraŭ paprasiła rasijskija ŭłady ŭnieści źmieny ŭ dziejučy ŭžo paŭhoda zakon ab zabaronie mata ŭ kino i inšych mastackich tvorach. Mat u niekatorych abstavinach źjaŭlajecca važnym elemientam movy, davodzili kiniematahrafisty, jakija padpisali adkryty list na imia rasijskaha premjer-ministra Dźmitryja Miadźviedzieva.

«Urad moža spuścić u Dumu prajekt papravak u zakon. Ale reakcyja Dumy zrazumiełaja — zakon suprać maciukoŭ byŭ padtrymany adnahałosna, i kamitet pa kultury adnaznačna budzie suprać», — zajaviŭ Stanisłaŭ Havaruchin.

Z prośbaj unieści źmieny ŭ zakon źviarnulisia režysiory Fiodar Bandarčuk, Mikita Michałkoŭ, Siarhiej Mirašničenka, Aleh Tabakoŭ, Uładzimir Chacinienka i Karen Šachnazaraŭ.

Zhodna z zakonam «Ab dziaržaŭnaj padtrymcy kiniematahrafii RF», filmu nie vydajecca prakatnaje paśviedčańnie, kali ŭ im prysutničaje niecenzurnaja łajanka. Pakaz u kinateatrach filma, u jakim utrymlivajecca mat i jaki nie atrymaŭ prakatnaha paśviedčańnia, karajecca administracyjnym štrafam. Vyklučeńnie zroblena tolki dla fiestyvalnych pakazaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?