Rasijskija ŭłady nie płanujuć u bližejšy čas admianiać uviedzienaje ŭ žniŭni charčovaje embarha, niahledziačy na rost koštaŭ i niespryjalnyja ekanamičnyja ŭmovy, u jakich znachodzicca rasijskaja ekanomika, skazaŭ vice-premjer Rasii Arkadź Dvarkovič.
«Płanaŭ admianiać dakładna niama, a dalej zaležyć ad taho, što budzie z sankcyjami», — skazaŭ Dvarkovič, jaki znachodzicca na ekanamičnym forumie ŭ Davosie.
«Hetaje embarha — instrumient, kab našy vytvorcy mieli mahčymaść pracavać na bolš kankurentnych umovach, tamu što jany nie mohuć ciapier atrymlivać u bankach hrošy pad takija ž staŭki, jakija byli da sankcyj», — padkreśliŭ vice-premjer.
Eks-ministr finansaŭ Rasii Alaksiej Kudryn, jaki taksama znachodzicca ŭ Davosie, nie pahadziŭsia z Dvarkovičam i nazvaŭ niepraduktyŭnym charčovaje embarha.
«Pakolki ŭžo sam kurs, devalvacyja stvaryła barjer, impart staŭ daražejšym, usie inšyja barjery treba prybirać, treba admianiać embarha, treba pamianšać impartnyja pošliny», — skazaŭ jon.
