21 studzienia, za dzień da svajho 77-hodździa, pamior pasoł Vieniesueły ŭ Biełarusi Amieryka Dyjas Nuńjes. Pryčynaj śmierci stała ankałahičnaje zachvorvańnie, paviedamiła dypmisija.
Nuńjes naradziŭsia 22 studzienia 1938 hoda, pa śpiecyjalnaści žurnalist. Vučyŭsia va ŭniviersitetach prava i hramadskich suviaziej (1958—1969), vypusknik Škoły vyjaŭlenčaha mastactva i muzyki «Artura Mišelena» (1954—1959), prafiesar historyi mastactva. Byŭ žanaty, mieŭ pieciarych dziaciej.
U 1969—1990 hadach pracavaŭ hałoŭnym redaktaram haziety «Trybuna Popułar» («Narodnaja trybuna») Centralnaha kamiteta Kamunistyčnaj partyi Vieniesueły. U 1998 hodzie byŭ kaardynataram prezidenckaj vybarčaj kampanii Uha Čaviesa ŭ štacie Karaboba.
20 śniežnia 2006 hoda prybyŭ u Minsk u jakaści časovaha pavieranaha ŭ spravach z metaj adkryćcia pasolstva Vieniesueły. 23 vieraśnia 2008 hoda ŭručyŭ davierčyja hramaty Alaksandru Łukašenku ŭ ranhu pieršaha nadzvyčajnaha i paŭnamocnaha pasła Vieniesueły ŭ Biełarusi.
