Prezident Kazachstana Nursułtan Nazarbajeŭ zaklikaŭ prezidenta ZŠA Baraka Abamu da bolš aktyŭnaha ŭdziełu ŭ vyrašeńni kanfliktu na ŭschodzie Ukrainy. Pra heta išła havorka ŭ ich telefonnaj razmovie, pieradaje pres-słužba kazachskaha lidara.

«Prezident Kazachstana vykazaŭ prośbu na adras svajho amierykanskaha kalehi pra bolš aktyŭnaje padklučeńnie da pošuku kampramisu pa ŭkrainskim pytańni», — skazana ŭ paviedamleńni.

Nazarbajeŭ taksama prainfarmavaŭ Abamu ab tym, što jon asabista zajmajecca hetym pytańniem, jakoje moža vyrašycca šlacham pieramoŭ na ŭzroŭni kiraŭnikoŭ Ukrainy, Rasii, Hiermanii i Francyi.

Akramia taho, prezident Kazachstana adznačyŭ, što ekanamičnyja sankcyi ŭ dačynieńni da Rasii ŭpłyvajuć i na centralnaazijacki rehijon.

U svaju čarhu Abama zapeŭniŭ Nazarbajeva, što źjaŭlajecca prychilnikam dypłamatyčnaha vyrašeńnia situacyi va Ukrainie, padkreśliŭšy, što dla hetaha, u pieršuju čarhu, nieabchodna vykanańnie minskich damoŭlenaściej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?